Муовини якуми Сарвазири Тоҷикистон Давлаталӣ Саид бо доираи соҳибкорони турк мулоқот намуд
ДУШАНБЕ, 29.11.2019. /АМИТ «Ховар»/. 28 ноябр дар шаҳри Истанбули Ҷумҳурии Туркия дар ҳамкорӣ бо Идораи робитаҳои иқтисодии хориҷии он кишвар мулоқоти муовини якуми Сарвазири Ҷумҳурии Тоҷикистон Давлаталӣ Саид бо доираи соҳибкорони турк баргузор гардид.
Дар доираи мулоқот дар робита ба тавсеаи минбаъдаи ҳамкорӣ дар соҳаҳои иқтисодӣ-тиҷоратӣ, сармоягузорӣ, татбиқи тарҳҳо ва бахусус таъсиси корхонаҳои муштарак бо мақсади истеҳсоли маҳсулоти ниҳоӣ табодули афкор сурат гирифт.
Муовини якуми Сарвазири Тоҷикистон Давлаталӣ Саид зимни суханронии худ аз ҳолати ҷории ҳамкории иқтисодӣ-тиҷоратии ду давлат ёдовар шуда, ба мавҷудияти иқтидорҳои муносиби ду кишвар барои рушди ҳамкории бештар дар татбиқи тарҳҳои муштарак ва ҷалби сармоягузориҳо ба соҳаҳои ояндадор ва мутақобилан судманд таъкид намуд.
Зимни мулоқот ҳамзамон муовини якуми Раиси Кумитаи сармоягузорӣ ва амволи давлатии Ҷумҳурии Тоҷикистон Шарафҷон Шералиев, Раиси Шӯрои тиҷоратии Туркия – Тоҷикистон Маҳмуд Эр ва соҳибкорони турк дар робита ба имкониятҳои сармоягузории Тоҷикистон, роҳҳои рушди ҳамкорӣ миёни бахшҳои гуногуни ду кишвар изҳори назар намуданд. Соҳибкорони турк дар навбати худ барои ҳамкории гуногунҷанба бо ҷониби Тоҷикистон омодагӣ изҳор карданд.
Масъалаи рақамикунонӣ барои идораи соҳаҳои геология, гидрология ва глятсиология аҳамияти бештар пайдо мекунад
Ҳамкорӣ дар соҳаи технологияҳои иттилоотию коммуникатсионӣ байни Тоҷикистону Эрон густариш меёбад
Ҳукумати Тоҷикистон барои сармоягузорон 240 номгӯй замонати ҳуқуқӣ муқаррар намудааст
БАРДОШТ АЗ ПАЁМ. Дар ноҳияи Роштқалъа сохтмони Неругоҳи барқи обии «Себзор» бо тавоноии 11 мегаватт ба анҷом мерасад
Бо мақсади пешгирӣ аз суқут Маъмурияти федералии авиатсияи граждании Амрико санҷиши ҳавопаймои BOEING 767-ро талаб намуд
Соли 2024 ҳаҷми Маҷмуи маҳсулоти дохилӣ дар Тоҷикистон ба 153,4 миллиард сомонӣ баробар гардид
Ҳукумати Тоҷикистон бо мақсади таъмини истиқлолияти энергетикӣ 18 лоиҳаи сармоягузориро амалӣ намуд
Байни Тоҷикистон ва Эрон дар соҳаи стандартизатсия ва метрология Ёддошти тафоҳуми ҳамкорӣ ба имзо расид
Дар Тоҷикистон барои сармоягузорон фазои муносиби иқтисодӣ фароҳам оварда шудааст
Ҳаҷми тиҷорат байни Тоҷикистон ва Эрон дар ду соли охир 50 дарсад афзоиш ёфт
