Олимони тоҷик дар расадхонаи «Санглох» тадқиқоти таркиши ситораҳои навро ба роҳ монданд
ДУШАНБЕ, 19.11.2019 /АМИТ «Ховар»/. Олимони Институти астрофизикаи Академияи илмҳои Тоҷикистон мушоҳидаҳои гуногунранги таркиши ситораҳои навро дар Расадхонаи астрономии байналмилалии «Санглох» иҷро карда истодаанд. Дар ин бора ба хабарнигори АМИТ «Ховар» директори ин муассисаи илмии ҷумҳурӣ Гулчеҳра Қоҳирова хабар дод.
«Тӯли шаш моҳ аст, ки омӯзиши таркиши ситораҳои нав дар Расадхонаи «Санглох» ба роҳ монда шудааст. Мавқеи беназири иқлими астрономии расадхона ҳамкасбони хориҷии моро боз ҳам дар ҳайрат гузоштанд. Фаъолияти олимони тоҷик аз ҷониби ҳамкасбони хориҷӣ қадр гардида, онҳоро дар барномаи байналмилалии VSNET (Variable Star Network-Шабакаи тағйирёбии ситораҳо) ворид карданд, ки ташаббускори онҳо Расадхонаи астрономии миллии «Япония» ба ҳисоб меравад», — гуфт доктори илмҳои математика ва физика Гулчеҳра Қоҳирова.
Ба нақли олими тоҷик, аз рӯи мушоҳидаҳои гуногунранги таркиши ситораи нав дар бурҷи Қу (расми.1) ноустуворӣ дар қурси фишурдаи ситораи навтарин ошкор гардид, ки дар натиҷа ситораҳои паканаро ба вуҷуд меорад. Дар вақти мушоҳида ва таҳқиқи таркиши ситораи MASTER (расми.2) тағйирёбии лаппиши дурахшонии ӯ бо даври 1.5 соат ба қайд гирифта шуд.
Таъкид гардид, ки мушоҳидаи ситораҳо дар расадхонаи «Санглох» дар даврони соҳибистиқлолии Тоҷикистон якумин бор ба роҳ монда шудааст. Ин натиҷа барои таҳлили таҳаввули ситораҳои мазкур хеле муҳим аст. Чунин мушоҳидаҳо барои тадқиқоти ҷараёнҳое, ки таркиши ситораҳои навро ба вуҷуд меоранд, ҷиддӣ мебошанд ва дар муаммои пайдоиши ситораҳо саҳм мегузоранд.
«Тадқиқоти ситораҳо барои самти астрономия хеле муҳим буда, омӯзиши онҳо барои таҳқиқи пайдоиши олам ва дарки коинот дар дунёи пажӯҳиши олимони астрономҳои ҷаҳон мавқеи муҳим ба ҳисоб меравад. Аз ин лиҳоз, олимони Институти астрофизикаи Академияи илмҳои Тоҷикистон бо доштани Расадхонаи «Санглох» чун сарчашмаи бебаҳои Тоҷикистон омӯзиши таркиши ситораҳои навро ба роҳ мондаанд»,-илова намуд директори Институти астрофизикаи Академияи илмҳои Тоҷикистон Гулчеҳра Қоҳирова.
Расми 1. Таркиши ситораи нав дар бурҷи Қу аз рӯи мушоҳидаҳои Расадхонаи «Санглох» дар соли 2019.
Расми 2. Таркиши ситораи нави MASTER (ситораи равшан дар маркази акс) аз рӯи мушоҳидаҳои Расадхонаи «Санглох» 2019 .
ҚОНУН «ДАР БОРАИ ТАРБИЯИ ВАТАНДӮСТИИ ШАҲРВАНДОН». Доир ба он байни хизматчиёни давлатӣ омӯзиш баргузор шуд
Табибони тоҷик дар Конгресси 17-уми осебшиносон-ортопедон дар Ҳиндустон иштирок намуданд
«Тоҷиксуғурта» соли гузашта дар ҳаҷми зиёда аз 5,8 миллион сомонӣ маблағи суғуртавӣ пардохт намуд
Соли 2022 барои таҷдиду барқарорсозии 42 иншооти оби нӯшокӣ беш аз 14 миллион сомонӣ ҷудо карда шуд
НИШАСТИ МАТБУОТӢ. Соли гузашта 770 ҳолати вайрон намудани Қонун «Дар бораи танзими анъана ва ҷашну маросим дар Ҷумҳурии Тоҷикистон» ба қайд гирифта шуд
ФАВРӢ! Роҳи мошингарди Душанбе-Чаноқ кушода шуд
Дар мақомоти Ваколатдор оид ба ҳуқуқи инсон лоиҳаи 50 санади меъёрии ҳуқуқӣ мавриди омӯзиш қарор гирифт
Маркази миллии қонунгузорӣ барои такмили механизми татбиқи қонунҳо беш аз 600 таклиф пешниҳод намуд
IRS ХАБАР МЕДИҲАД. Дар километрҳои аз 52 то 73-юми роҳи Душанбе-Чаноқ 45 тармаи хурду бузург фаромад
Соли 2022 дар Тоҷикистон номи 56 шаҳраку деҳот иваз карда шуд
Агентии обуҳавошиносӣ: «Соли гузашта 365 пешгӯиҳои якшабонарӯзӣ тартиб дода шуд, ки дурустии онҳо 93%-ро ташкил медиҳад»
ТАВАҶҶУҲ! Кумитаи ҳолатҳои фавқулода ва мудофиаи гражданӣ аз резиши сангу фаромадани тарма ҳушдор медиҳад
