Сокинони шаҳри Хоруғ Рӯзи Президентро дар майдони ба номи Исмоили Сомонӣ истиқбол гирифтанд

Ноябрь 16, 2019 12:23

ХОРУҒ, 16.11.2019 /АМИТ «Ховар»/. Дар майдони ба номи Исмоили Сомонии шаҳри Хоруғ  бахшида ба Рӯзи Президенти Тоҷикистон бо ширкати беш аз 5 ҳазор нафар сокинони шаҳр ҳамоиши оммавӣ баргузор гардид.

Муовини раиси вилоят Назира Амирбекзода  иштирокчиёни ҳамоишро аз номи раиси Вилояти Мухтори Кӯҳистони Бадахшон бо ин санаи муҳими таърихӣ табрик намуда, изҳор дошт, ки “таъмини фазои орому босубот, волоияти қонун, ваҳдату ягонагии мардуми сарзамин обрӯву нуфузи Ҷумҳурии Тоҷикистонро сол аз сол дар минтақа ва ҷаҳон боз ҳам баландтар мебардорад. Ин ҳама дастовардҳои арзишманд бевосита ба салоҳияту   фаъолияти пурсамари Президенти Ҷумҳурии Тоҷикистон вобастагӣ доранд.  Имрӯз мо ьа Асосгузори сулҳу ваҳдати миллӣ, Пешвои миллат Эмомалӣ Раҳмон, қабл аз ҳама, чун наҷотдиҳандаи Ватани маҳбубамон арҷ мегузорем, зеро Ӯ тавонист дар лаҳзаи басо асос ва ниҳоят мураккаб Ватани азизамон- Тоҷикистонро, ки дар вартаи нобудӣ қарор дошт, наҷот бахшад. Қабул гардидани Рӯзи Президент дар сатҳи мақомоти олии қонунгузорӣ ҳам талаби рӯз, ҳам дархости мардуми шарифи тоҷик буд. Ба ин васила миллати тоҷик дар атрофи Сарвари заковатманди худ боз ҳам муттаҳидтар гардида, ба бадхоҳони миллат ҳушдор медиҳад, ки ҳеҷ гуна иғвою дасисаи онҳо ваҳдату якдилии тоҷикистониёнро рахна карда наметавонад ва кафолати ҳамдилии онҳо худи Ҷаноби Олӣ аст”.

Ректори Донишгоҳи давлатии шаҳри Хоруғ Шермамад Ҷонмаҳмадзода   аз хизматҳои бешумули Пешвои миллат дар бунёди  давлатдории навини тоҷикон ёдоварӣ намуда, зикр дошт, ки Президенти Ҷумҳурии Тоҷикистонро дар дунё чун фарди сулҳовару сулҳофар, ғамхори миллат мешиносанду қадр мекунанд. Хизматҳои беназири Сарвари давлат сабаб гаштанд, ки Тоҷикистон дар фосилаи кӯтоҳ ба яке аз давлатҳои пешрафта табдил ёфта, чун давлати  демократӣ дар сатҳи ҷаҳонӣ аз обрӯву манзалати хос бархурдор гардад. Ҷанби Олӣ яке аз он сисатмадорони хирадпешаву дурандешест, ки давлати тоҷиконро аз фаноёбӣ, парокандагиву парешонӣ наҷот дода,  дар солҳои басо вазнину хатарзо дар қалби мардум шуълаи умед ба фардои некро бедор кард ва бо гомҳои устувор ба як фазои орому босубот раҳнамун сохт. Воқеан рушду нумӯъи ҳар давлат ба дониш, ақлу заковат, хиради инсонии Президенти ҳамон мамлакат вобастагӣ дорад.

Ҳамоиши тантавӣ бо рақсу таронаҳои ҳунармандони маъруфи вилоят ба поён расид.

Ноябрь 16, 2019 12:23

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд