Тифлаки дусола, ки дар ҳуҷраи оббозӣ маҳкам гардида буд, наҷот дода шуд
ДУШАНБЕ, 12.11.2019. /АМИТ «Ховар»/. Наҷотдиҳандагони дастаи зудамали наҷотдиҳии Раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар шаҳри Душанбе тифлаки дусоларо, ки дар ҳуҷраи оббозӣ маҳкам шуда буд, наҷот доданд.
Тавре сардори маркази матбуоти Кумитаи мазкур Умеда Юсуфӣ ба АМИТ «Ховар» хабар дод, шаби 10 ноябр ба қисми навбатдории КҲФ як ҷавонзани сокини ноҳияи Синои шаҳри Душанбе занг зада, бо изтиробу нигаронӣ хабар дод, ки бо сабабҳои барояш номаълум дари ҳуҷраи оббозии хонааш баста шудаасту дар дохили он духтарчаи дусолааш танҳо мондааст. Худи ӯ ҳарчанд талош кардааст, натавонистааст дарро кушояд. Наҷотдиҳандагони дастаи зудамали наҷотдиҳии Раёсати Кумита дар шаҳри Душанбе баъди гирифтани ин хабар фавран ба суроғаи номбурда рафта, дарро бе ягон осеб кушода, кӯдакро ба модараш баргардониданд.
Дар ин шаб дар ошёнаи шашуми бинои бисёрқабата, воқеъ дар ноҳияи Фирдавсии пойтахт аз беэҳтиётии сокинон дари даромадгоҳ баста шудааст. Онҳо мустақилона ҳарчанд кӯшиш кардаанд, натавонистаанд онро боз кунанд. Кормандони КҲФ баъди гирифтани ин хабар фавран ба ин маҳал расида, бо истифода аз таҷҳизоти махсус дарро кушода, имкони вуруди сокинонро таъмин намуданд.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони мамлакат муроҷиат менамояд, ки дар сурати рух додани ҳолатҳои фавқулода бо телефонҳои 112 ва ё 93 880 28 19 ба онҳо хабар расонанд. Кормандони Кумита фавран ба кумаки онҳо шитофта, мушкилашонро осон мегардонанд.
«БЕҲТАРИН ОИЛАИ ҲУНАРМАНД». Таҳти ин унвон озмуни ҷумҳуриявӣ баргузор мегардад
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
Ҷумҳурии Тоҷикистон 67-умин давлат дар самти манъи ҷазои ҷисмонӣ нисбат ба кӯдак гардид
35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Агентии обуҳавошиносии Тоҷикистон бо Агентии байналмилалии энергияи атомӣ Ёддошти тафоҳум ба имзо расонид
Дар вилояти Хатлон ҷаласаи корӣ оид ба вазъи зимистонгузаронӣ доир шуд
