ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН: бо бунёди мактаб, 6 майдончаи варзишӣ ва шабакаҳои обрасонӣ симои шаҳри Хоруғ тағйир меёбад

Декабрь 13, 2019 11:12

ХОРУҒ, 13.12 2019 /АМИТ «Ховар»/. Дар толори мақомоти иҷроияи ҳокимияти давлатии Вилояти Мухтори Кӯҳистони Бадахшон  муаррифии лоиҳаи «Мусоидат ба сулҳу субот тавассути сохтмони инфрасохтори муҳим дар шаҳри Хоруғ»  баргузор гардид. Барои дар амал татбиқ намудани лоиҳаи мазкур дар баробари Ҳукумати ҷумҳурӣ ҳамчунин шарикони рушд, ба мисли Бунёди тоҷикистонии Оғохон, Агентии Оғохон оид ба макони зист ва Иттиҳоди Аврупо саҳм мегузоранд.

Ба гуфтаи сардори Раёсати иқтисод ва савдои вилоят Латиф Шоҳзодаев, “ҳадафи лоиҳа-ин бунёд намудани инфрасохтори иҷтимоӣ, дастрасии осони сокинони шаҳр ба хизматрасониҳои мухталифи иҷтимоию маишӣ ва ҳифзи муҳити зист мебошад. Дар доираи ин лоиҳа бунёди муассисаи муосири таълимӣ дар кӯчаи ба номи Саидамир Абдураҳмонов,  сохтмони 6 майдончаи варзишӣ дар маҳаллаҳои шаҳр, таъмини сокинони маҳаллаи Бизмич бо оби ошомиданӣ, мустаҳкам намудани соҳили рӯдхонаи Ғунд, ки ҳамасола дар мавсими обхезӣ ба хоҷагиҳо зарари ҷиддӣ мерасонад, ба назар гирифта шудааст”.

Сардори Раёсати иқтисод ва савдои вилоят гуфт, ки маблағи лоиҳа зиёда аз 18 миллион сомониро ташкил дода, дар зарфи яку ним сол бояд мавриди амал қарор гирад. Бо дигаргун гаштани инфрасохтори шаҳр симои он низ тағйир меёбад, вазъи экологӣ рӯ ба беҳбудӣ меорад, шароити таҳсили садҳо кӯдакону наврасон беҳтар мегардад, мавзеъҳои хатарзо коҳиш меёбанд ва илова бар ин, ҷавонони маҳаллӣ соҳиби ҷои кори мавсимӣ мегарданд.

Декабрь 13, 2019 11:12

Хабарҳои дигари ин бахш

Дар Хуҷанд Маҷмааи бисёрошёнаи «Темурмалик» бунёд карда мешавад
78 хоҷагии минтақаи манзилии №4-и шаҳри Норак бо оби нӯшокӣ таъмин гардид
Дар Муъминобод бахшида ба 34-солагии Истиқлолияти давлатии Ҷумҳурии Тоҷикистон ҳамоиши илмӣ-фарҳангӣ баргузор шуд
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Беш аз 5 километр роҳҳои дохилии маҳаллаи «40-солагии Дилварзин» мумфарш карда мешаванд
ИСТИҚЛОЛИЯТ — ФАЙЗУ БАРАКАТ ВА НУРУ ЗИЁ БА ХОНАДОНИ ҲАР ФАРДИ ТОҶИКИСТОН. Андешаҳои Пешвои миллат доир ба истиқлоли тоҷикон
Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Доир ба заминаҳо, таҳаввулот ва дурнамои Истиқлоли давлатӣ машварати илмӣ-назариявӣ баргузор шуд
Дар ноҳияи Рӯшон майдончаҳои варзишӣ ба истифода дода шуданд
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд