«Бозтоби масъалаҳои худогоҳии миллӣ дар осори устодон Муъмин Қаноат ва Лоиқ Шералӣ» ба нашр расид
ДУШАНБЕ, 09.12.19. /АМИТ «Ховар»/. «Бозтоби масъалаҳои худогоҳии миллӣ дар осори устодон Муъмин Қаноат ва Лоиқ Шералӣ» — чунин унвон дорад маҷмӯаи илмии кафедраи забони тоҷикии Донишгоҳи давлатии омӯзгории Тоҷикистон ба номи Садриддин Айнӣ, ки ба тозагӣ интишор гардид.
Дар мақолаҳои илмии профессорон Нуъмонҷон Ғаффорӣ «Назаре ба тарҷумаҳои Лоиқ», Саидмуроди Хоҷазод «Устод Лоиқ ва забони миллӣ», дотсентон Наврӯз Гулзода «Ифодаҳои маҷозӣ бо луғатҳои соматикӣ дар осори Муъмин Қаноат», Абдуҷаббори Сурӯш «Устод Лоиқ ва марзи ҷовидонагӣ», Абдулҳамид Шоев «Устод Муъмин Қаноат дар шинохти Лоиқ», Манзура Мадатзода «Назаре ба инъикоси сулҳу ваҳдат дар ашъори Муъмин Қаноат ва Лоиқ Шералӣ», Холмаҳмад Раҳимов «Устод Лоиқ ва ҳувияти миллӣ» ҷанбаҳои рӯй овардан ба масоили худшиносӣ ва худогоҳии миллӣ дар осори ду ситораи назми муосири тоҷик бо дидгоҳи нав мавриди пажӯҳиши илмӣ қарор гирифтаанд.
Аз ҷумла, дар маҷмӯа омадааст, ки шоирон Муъмин Қаноат ва Лоиқ Шералӣ сулҳу ваҳдати миллиро чун неъмати беҳтарин пазироӣ карда, дар тавсифу ситоиши ин падидаи фархунда ашъори фаровон эҷод намудаанд.
Дар маҷмӯа зикр шудааст, ки такондиҳандаи аслии зеҳнияти Лоиқ ба дарк ва фарогирии масъалаҳои худшиносии таърихӣ ва ҳувияти миллӣ, ҳувияти инсонӣ ва фардияти ҳунарии ӯ вобаста буд.
Олимон дар китоб хулоса кардаанд, ки ҳам Муъмин Қаноат ва ҳам Лоиқ Шералӣ бо ашъори сулҳпарваронаашон чун шоирони ватандӯст ва ваҳдатсаро мардумро ба ягонагию ҳамдилӣ даъват намудаанд.
Маҷмӯа барои пажӯҳишгарони осор, устодони донишгоҳҳо, унвонҷӯён ва ҳаводорони ашъори ин устодон пешбинӣ шудааст.
Китоби «Мероси таърихӣ, фарҳангӣ ва табиии Тоҷикистон» аз чоп баромад
Антропологи машҳури рус дар ёдгории Сари Майни ноҳияи Айнӣ таҳқиқот мегузаронад
НИШАСТҲОИ МАТБУОТӢ. 21 июл дар вазорату идораҳои Тоҷикистон нишастҳои матбуотӣ оғоз мегарданд
«Қалъаи Хуҷанд» ба рӯйхати 10 мавзеи ҷолиби сайёҳии Тоҷикистон шомил гардидааст
Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Дар Бадахшон 70 нафар ба даври ниҳоии Озмуни ҷумҳуриявии «Тоҷикистон – Ватани азизи ман» роҳхат гирифтанд
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
