Дар Коллеҷи тиббии шаҳри Ҳисор оид ба ВНМО ва роҳҳои пешгирии он конференсия баргузор шуд
ҲИСОР, 02.12.2019. /АМИТ «Ховар»/. Дар Коллеҷи тиббии шахри Ҳисор бо иштироки омӯзгорону донишҷӯён дар мавзӯи «ВНМО ва роҳҳои пешгирии он» ва барномаи миллӣ оид ба муқовимат бо эпидемияи Вируси норасоии масунияти одам ва бемории ғайримодарзодии норасоии масуният дар Ҷумҳурии Тоҷикистон, ки аз соли 2010 бо Қарори Ҳукумати Ҷумҳурӣ тасдиқ шудааст, конференсияи илмӣ-назариявӣ баргузор гардид. Дар ин бора ба хабарнигори АМИТ «Ховар» масъулини коллеҷи тиббии шаҳр иттилоъ доданд.
Дар ҷамъомади мазкур омӯзгорону табибон дар мавзӯъҳои «Вафодорӣ- ин ҳимояи боэътимод аз сирояти ВНМО», «Роҳҳои пешгирии ВНМО», «Қонунҳо ва ҳифзи шаъну шарафи сироятёфтагони ВНМО» ва «Мубориза бар зидди ВНМО» маърӯза намуда, изҳор доштанд, ки саломатӣ манбаи асосӣ ва қисми ҷудонопазири мавҷудияти инсон мебошад.
Саломатӣ барои ҳар инсон сарвати бебаҳо ба ҳисоб рафта, ояндаи ҷомеа ба шахсияти солим вобаста аст. Айни ҳол ВНМО қариб дар тамоми мамлакатҳои дунё ба таври расмӣ ба қайд гирифта мешавад. То соли 2011 аз он 60 млн нафар сироят ёфта, дар ин солҳо аз ВНМО 25 млн нафар ба ҳалокат расидаанд. Ҳар як дақика дар ҷаҳон на камтар аз 15 одам ба ВНМО сироят меёбанд.
Ин дар ҳолест, ки 1 декабр ҷомеаи ҷаҳонӣ Рӯзи байналмилалии мубориза бо Вируси норасоии масунияти одам (ВНМО — ВИЧ/СПИД)-ро таҷлил намуд. Аввалин шахсони гирифтор ба ин беморӣ охири солҳои 80-уми асри гузашта дар Америка ба қайд гирифта шудаанд. Тибқи иттилои Созмони Милали Муттаҳид, соли 2018 шумораи гирифторони ин беморӣ ба 37,9 миллион расидааст.
Ҳарчанд солҳои охир афзудани бемории Вируси норасоии масунияти одам ва табобатнашаванда будани он боиси ташвиши ҷомеаи ҷаҳонӣ гардида бошад ҳам, бино ба гуфти олимони соҳаи тиб он идорашаванда мебошад.
СММ зарур мешуморад, ки барои пешгирӣ ва идора намудани ин беморӣ мамлакатҳоро мебояд барномаҳои милливу давлатӣ қабул ва тадбирҳои таъхирнопазир андешанд.
Барои паст намудани хавфи сироят ва паҳншавии ин беморӣ бояд сатҳи дониши тиббӣ ва маълумотнокии одамонро баланд бардошт.
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
