Дивизиони С-300 дар Тоҷикистон ба навбатдории низомӣ шурӯъ кард

ДУШАНБЕ, 02.12.2019 /АМИТ «Ховар»/. Системаҳои зиддимушакии С-300ПС-и Округи марказии ҳарбии Россия ба навбатдории низомӣ  дар Тоҷикистон шурӯъ намуд, хабар медиҳад «РИА Новости» бо истинод ба «Звезда».

Ба ҳайати дивизион тақрибан 30 адад техника, аз ҷумла, нуқтаҳои  фармондеҳӣ, таҷҳизоти бакордарорӣ, системаи радиолокатсионӣ, чароғакҳо, нишонгиракҳо ва инчунин мошинҳои  таъминкунанда дохил мешаванд. Вазифаи асосии инҳо муҳофизати иншооти пойгоҳи низомии 201-и Россия, ки дар Тоҷикистон ҷойгиранд ва мудофиаи ҳавоии минтақаи амнияти дастаҷамъии Осиёи Марказӣ хоҳад буд.

С-300 — системаи мушакии зенитиест, ки  ба ҳадафҳои баллистикӣ ва аэродинамикӣ зарба зада метавонад. Он дорои системаи бисёрҷанбаи  мушакии зенитиест, ки метавонад то шаш ҳадафро ҳамроҳӣ карда, то 12 мушакро бар зидди онҳо  равона созад. Вақти ташкил ва интиқол тақрибан панҷ дақиқа аст.

АКС аз «РИА Новости» /Вазорати мудофиаи Федератсияи Россия/