КИ ҲХДТ дар ноҳияи Шоҳмансур бо мақсади фаҳмонидани муҳтавои Паёми Пешвои миллат вохӯриҳо доир менамояд
ДУШАНБЕ, 30.12.2019 /АМИТ «Ховар»/. Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур бо мақсади фаҳмонидани мазмуну муҳтавои Паёми навбатии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон нақшаи чорабиниҳо омода намуда, дар кумитаву ташкилотҳои ибтидоии ҳизбӣ ва шаҳраку маҳаллаҳои ҳудуди ноҳия бо иштироки вакилони Маҷлиси намояндагони Маҷлиси Олии Ҷумҳурии Тоҷикистон, вакилони шаҳриву ноҳиявӣ, аъзои Шӯрои собиқадорони ҲХДТ суҳбату вохӯриҳо доир менамояд. Ин нуктаро Раиси Кумитаи иҷроияи ҲХДТ дар ноҳияи Шоҳмансур Зулфиқор Гулаҳмадзода дар маҷлиси васеи Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур иброз намуд.
Дар маҷлис аъзои Кумитаи иҷроия, раисону муовинони ташкилоти ибтидоии ҳизбӣ, аъзои фаъоли ҳизб ва ТҶҶ «Созандагони Ватан» иштирок намуданд. Иштирокдорон Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба Маҷлиси Олии Ҷумҳурии Тоҷикистон мавриди омӯзиш қарор доданд.
Таъкид гардид, ки Паёми Сарвари давлат ҳамчун дастурамали корӣ фарогири самтҳои сиёсати дохилӣ ва хориҷии мамлакат мебошад.
Аз ин лиҳоз раисони кумитаву ташкилотҳои ибтидоии ҳизбиро зарур аст, ки ҷиҳати таблиғу ташвиқи Паёми Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон тибқи нақша вохӯриҳоро баргузор намоянд, таъкид намуд Зулфиқор Гулаҳмадзода.
Дар ҷаласа муовини Вазири маориф ва илми Ҷумҳурии Тоҷикистон Латофат Назирӣ, Директори Маркази миллии қонунгузории назди Президенти Ҷумҳурии Тоҷикистон Изатулло Саидзода, муовини якуми Раиси Кумитаи кор бо занон ва оилаи назди Ҳукумати Ҷумҳурии Тоҷикистон Марҳабо Олимӣ ва Ҳунарманди халқии Тоҷикистон Ҷамшед Исмоилов сухан карданд.
Аз аъзои Кумитаи иҷроияи ҲХДТ дар ноҳияи Шоҳмансур даъват ба амал оварда шуд, ки бо такя ба неруи тавонои хеш дар тарғибу ташвиқи Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фаъол бошанд ва баҳри татбиқи онҳо кӯшиш намоянд.
Дар охир аз рӯи масъалаҳои рӯзномаи маҷлис қарорҳои дахлдор қабул карда шуданд.
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
