Овозхони наврас аз Панҷакент ситораи шабакаи ҷаҳонӣ шуд: видеои ӯ дар интернет дар муддати кӯтоҳ қариб 3 миллион тамошобин пайдо кард!

Декабрь 16, 2019 16:17

ДУШАНБЕ, 16.12.2019 /АМИТ «Ховар»/. Видеои писарбачаи 16-солаи тоҷик Абдурозиқ, ки бо садои ғайриоддӣ ва самимона месарояд, дар Интернет шӯҳрати хоса пайдо мекунад. Овозхони ҷавон дар Тоҷикистон маҳбубият пайдо кардааст ва ҳоло талош дорад дар шабакаи ҷаҳонии Интернет низ шӯҳрати зиёд ёбад. Видеои «Оҳи дили зор»-и ӯ дар шабакаи YouTube дар муддати кӯтоҳ қариб 3 миллион тамошобин пайдо кард!

Абдурозиқ писари махсус  – навраси шонздаҳсола аз деҳаи Ғиждарваи шаҳри Панҷакент аст.

Ҳунарманди ҷавон дар оилаи камбизоат ба воя расидааст ва падару модараш натавонистаанд бемории кӯдаки худро сари вақт табобат кунанд. Аз сабаби бемории рахит қадкашии Абдурозиқ инкишоф намеёбад, аммо ин барои  гузаронидани ҳаёти мукаммал ва пур аз сурури овони наврасию ҷавонӣ  ва  нишон додани истеъдоди мусиқӣ ба  ӯ  халал нарасонидааст.

Дар кӯлбори ин  писарбача аллакай як композитсияи яккахонӣ ҳаст, ки дар ҳама ҷои Душанбе садо медиҳад ва   суруди нави  ватанпарварона бо овозхони тоҷик Барон бо номи «Ватан-Модар» бомуваффақият сабт шуд. Ин видео низ дар Интернет маъруфият пайдо мекунад.

Номи Абдурозик рӯз аз рӯз маъруфтар мегардад ва аз рӯи наворҳои видеои гуногун, ки дар интернет пайдо мешаванд, чунин бармеояд, ки ин навраси ҳунарманд  корҳои худро дар лоиҳаҳои нав идома  доданист.

Ҳоло Абдурозиқ дар мактаб таҳсил мекунад, фанҳои дӯстдоштаи ӯ математика ва сурудхонӣ мебошанд. Илова ба сурудҳои эстрадӣ  Абдурозиқ сурудҳои халқиро дар услуби шашмақом месарояд ва орзу  дорад, ки ба мактаби мусиқӣ дохил шавад.

Дар баробари истеъдоди худодод ин сарояндаи наврас  бо дониши худ, бахсусус дар соҳаит адабиёт ва фолклор,   хислатҳои шӯхиомез, хандаҳои ҷолиб ва рӯҳияи болидаву меҳрубонӣ  беназир аст. Ҳамин тавр, дар тӯли якчанд моҳ ӯ аллакай тавонист ба оилаи худ аз ҷиҳати моддӣ кӯмак кунад.

Декабрь 16, 2019 16:17

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд