УМУРИ БОНКДОРӢ. «Спитамен Бонк» ва «Росселхозбонк» муносибатҳои мустақими муросилотӣ барқарор намуданд

ДУШАНБЕ, 22.12.2019/АМИТ «Ховар»/. 18 декабр ҶСП «Спитамен Бонк» ва  «Росселхозбонк» (ҶС «Бонки хоҷагии қишлоқи Россия») ҷиҳати  ба роҳ андохтани  муносибатҳои мустақими муросилотӣ созишнома ба имзо расониданд, ки дар натиҷаи он суратҳисобҳо бо се асъори асосӣ кушода шуданд: доллари ИМА, ввро ва рубли русӣ, хабар медиҳад мухбири АМИТ «Ховар» бо истинод бо «Спитамен Бонк».

Дар фаъолияти худ  «Спитамен Бонк» кӯшиш менамояд, ки ҳамкориҳои дарозмуддати мутақобилан судмандро тавассути васеъ намудани робитаҳои муросилотӣ бо бонкҳои пешрафтаи ҷаҳон густариш диҳад.

Мавҷудияти ҳисобҳои муросилотии мустақим ба «Спитамен Бонк» имконият медиҳад, ки ба мизоҷон доираи васеи хизматрасониҳоро бо асъори хориҷӣ, ки дар амалияи байналмилалӣ татбиқ мешаванд, пешниҳод намояд.

Маълумоти муфассалро дар бораи шартҳои ҳисоббаробаркуниҳои мустақими муросилотӣ аз наздиктарин филиал ва Марказҳои хизматрасонии бонкии Спитамен Бонк, аз сомонаи расмӣ бо суроғаи https://www.spitamenbank.tj ва ё тавассути рақамҳои Маркази тамос (Call-цент): (+992) 44 640-65-65 (зангҳо ба рақами кӯтоҳи 6565 аз ҳамаи ҳамаи операторони мобилӣ — ройгон) дастрас кунед.