ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст

ДУШАНБЕ, 28.01.2020. /АМИТ «Ховар»/. Шабонарӯзи наздик дар бештари ноҳияҳои ҷумҳурӣ (ба истиснои Вилояти Мухтори Кӯҳистони Бадахшон) фаромадани туман дар назар аст. Дар ноҳияҳои кӯҳии ҷумҳурӣ фаромадани зуҳуроти тарма пешгўӣ шуда, дар роҳҳои нақлиётгарди ноҳияҳои доманакўҳӣ ва кўҳӣ яхбандӣ аз эҳтимол дур нест. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбандаи бебориш мешавад. Шамол аз самти ғарб  бо суръати 2-7 метр дар як сония мевазад. Ҳаво дар ғарби вилоят   шабона  14-19 ва рӯзона 0-5 дараҷа хунук мешавад. Дар  шарқи вилоят  ҳаво шабона 29-34 ва рӯзона 15-20 дараҷа хунук мешавад.

Ҳаво дар вилояти Суғд  тағйирёбанда шуда, шабона ва саҳаргоҳон дар баъзе ноҳияҳо бориши борон ва барф ба амал меояд. Рӯзона ҳавои бебориш дар назар аст. Дар  ноҳияҳои алоҳида туман мефарояд.  Шамол  аз самти ғарб бо суръати  3-8 метр дар як  сония мевазад. Ҳаво дар водиҳо шабона аз 3 дараҷа хунук то 2 дараҷа гарм ва рӯзона 2+7 дараҷа гарм  мешавад. Дар ноҳияҳои кӯҳӣ ҳаво шабона 9-14 ва   рӯзона 0-5 дараҷа хунук мешавад.

Дар вилояти Хатлон   ҳавои тағйирёбанда пешбинӣ шуда, дар баъзе ноҳияҳо боришоти суст (борон, барф) ба амал меояд. Дар ноҳияҳои алоҳида туман мефарояд. Шамол аз самти ғарб бо суръати  3-8 метр дар як сония мевазад. Ҳаво дар водиҳо ҳаво шабона 0-5 ва рӯзона 6+11 дараҷа гарм мешавад. Дар  доманакӯҳҳо ҳаво шабона 2-7 дараҷа хунук ва рӯзона аз 1 дараҷа хунук то 4 дараҷа гарм мешавад.

Дар шаҳру ноҳияҳои тобеи марказ ҳавои тағйирёбанда дар назар буда,  рӯзона ҳаво бебориш мешавад. Туман мефарояд. Шамол аз самти ғарб бо суръати 3-8  метр дар як сония  мевазад.  Ҳаво  дар водиҳо  шабона аз 3 дараҷа хунук то 2 дараҷа гарм ва рӯзона 3+8 дараҷа гарм мешавад. Дар  ноҳияҳои кӯҳӣ ҳаво шабона 12-17 дараҷа хунук  ва  рӯзона аз 4 дараҷа хунук  то 1  дараҷа гарм мешавад.

Дар  шаҳри Душанбе ҳавои тағйирёбанда дар назар буда, рӯзона ҳаво бе бориш мешавад. Туман мефарояд. Шамол аз самти ғарб бо суръати 2-7  метр дар як сония   мевазад. Ҳаво шабона аз 1 дараҷа хунук то 1 дараҷа гарм ва  рӯзона 6+8 дараҷа гарм мешавад