ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Сохтмончиёни Мастчоҳ аз масолеҳи сохтмонӣ ва таҷҳизоти истеҳсолии корхонаҳои ватанӣ пурсамар истифода мебаранд
ДУШАНБЕ, 04.02.2020. /АМИТ «Ховар»/. Дар шаҳраки Ганҷободи ҷамоати шаҳраки Суғдиёни ноҳияи Мастчоҳ бо мақсади беҳтар намудани шароити таълиму тарбия барои 360 нафар хонанда муассисаи нави таълимӣ бунёд мегардад. Барои сохтмони иншооти мазкур аз ҳисоби буҷети давлатӣ 12 миллион сомонӣ маблағ ҷудо гардидааст. Дар ин бора ба АМИТ «Ховар» аз Хадамоти матбуоти раиси вилояти Суғд хабар доданд.
Бино ба иттилои манбаъ, Раиси вилояти Суғд Раҷаббой Аҳмадзода зимни шиносоӣ бо ҷараёни корҳои сохтмонӣ ба масъулин бобати дар муҳлати пешбинишуда ба истифода додани муассисаи таълимӣ дастур дод. Ҳамчунин супориш дода шуд, ки дар рафти корҳои бунёдӣ аз масолеҳи сохтмонӣ ва таҷҳизоти истеҳсолии корхонаҳои ватанӣ, аз ҷумла дару тиреза ва мизу курсиҳо самаранок истифода карда шавад.
Мавриди зикр аст, ки бинои таълимӣ бо маблағгузории Мақомоти иҷроияи ҳокимияти давлатии вилоят дар ду баст сохта шуда, фармоишгар Идораи сохтмони асосии вилоят ва паймонкор ҶДММ «Сохтмон — 3» — и ноҳия мебошад.
Имрӯзҳо корҳои сохтмонӣ дар иншооти мазкур босуръат идома дошта, ба он беш аз 40 нафар сохтмончиёни маҳаллӣ ҷалб гардидаанд.
Ёдовар мешавем, ки бо мақсади дар сатҳи баланд ва бо дастовардҳои арзанда пешвоз гирифтани 30-солагии Истиқлолияти Ҷумҳурии Тоҷикистон дар ноҳияи Мастчоҳ як зумра иншооти иҷтимоӣ бунёд мегарданд.
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Дар ноҳияҳои Рашту Тоҷикобод «Маркази ҷавонон» ва майдончаҳои варзишӣ бунёд карда мешаванд
