Дар Чин муҳлати зуҳури коронавирусро эълон намуданд

ДУШАНБЕ, 24.02.2020 /АМИТ «Ховар»/. Нишонаҳои коронавирусро  дар сокини ноҳияи Шэннунсизя (музофоти Хубей дар Чин )  танҳо баъди 27 рӯз зуҳур намуданд. Тавре  АМИТ «Ховар» иттилоъ медиҳад, дар ин бора рӯзномаи People’s Daily  бо истинод ба ҳукуматдорони маҳаллӣ хабар додааст.

Ба ғайр аз ин, чанде пеш ВАО дар бораи ҳодисаи дигари  ба ин монанд, танҳо баъди 38 рӯз ошкор шуданд нишонаҳои коронавирус хабар дода буданд. Ин чунин маъно дорад, ки муддати зуҳури беморӣ метавонад беш аз ду ҳафта  тӯл кашад.

31 декабри соли 2019 ҳукуматдорони Чин ба ТУТ дар бораи рӯ задани бемории номаълуми илтиҳоби шуш дар шаҳри Ухан, воқеъ дар қисми марказии мамлакат (музофоти Хубэй) иттилоъ дода буданд.  Мутахассисон барангезандаи бемориро муайян карданд-он коронавируси нав мебошад. ТУТ рух додани ин бемориро ҳамчун вазъияти фавқулодаи дорои аҳамияти байналмилалӣ эътироф намуд ва ба он номи расмӣ — COVID-2019 дод.

Теъдоди ба коронавирус гирифторшудагони Чини қитъавӣ ба беш аз 76  ҳазор одам расида,  аз онҳо 2345 нафарашон  фавтидаанд,  20 ҳазору 659 нафари дигар шифо ёфта, аз беморхонаҳо ҷавоб шуданд.