Дар Душанбе доир ба содагардонии расмиёти савдо Созишномаи дорои аҳамияти минтақавӣ ба имзо расид
ДУШАНБЕ, 19.02.2029. /АМИТ «Ховар»/. Имрӯз, 19 феврали соли 2020 дар шаҳри Душанбе байни Вазорати рушди иқтисод ва савдои Ҷумҳурии Тоҷикистон ва Ташкилоти германӣ оид ба ҳамкории байналмилалӣ (GIZ) доир ба содагардонии расмиёти савдо ба маблағи умумии 7,0 млн. евро Созишномаи дорои аҳамияти минтақавӣ ба имзо расид.
Тавре аз маркази матбуоти Вазорати рушди иқтисод ва савдо ба хабарнигори АМИТ «Ховар» иттилоъ доданд, Созишномаро Вазири рушди иқтисод ва савдои Ҷумҳурии Тоҷикистон ва Директори Ташкилоти германӣ оид ба ҳамкории байналмилалӣ (GIZ) ба имзо расониданд.
Созишномаи мазкур дар доираи Созишномаи байни Ҳукумати Ҷумҳурии Федеративии Германия ва Ҳукумати Ҷумҳурии Тоҷикистон оид ба ҳамкории техникӣ, ки 27 марти соли 2003 дар шаҳри Берлини Ҷумҳурии Федеративии Германия имзо шуда буд, ба тасвиб расид.
Созишнома бо мақсади содагардонии расмиёти савдо ва транзит, такмили низоми идораи хавфҳо дар сарҳад, чорабиниҳои озмоишӣ-инноватсионӣ доир ба содагардонии расмиёти савдо, инчунин иштироки бахши хусусӣ дар раванди қабул намудани қарорҳо вобаста ба содагардонии расмиёти савдо равона гардид. Он аҳамияти минтақавӣ дошта, 4 кишвари Осиёи Миёна- Тоҷикистон, Ӯзбекистон, Қирғизистон ва Қазоқистонро дар бар мегирад.
Оғози татбиқи лоиҳа оид ба содагардонии расмиёти савдо дар Тоҷикистон пас аз ба имзорасонии Созишнома байни Вазорати рушди иқисод ва савдои Ҷумҳурии Тоҷикистон ва Ташкилоти германӣ оид ба ҳамкории байналмилалӣ (GIZ) барои 3 сол, яъне солҳои 2020-2023 татбиқ мегардад.
Байни соҳибкорони вилояти Суғд ва Қазоқистон санадҳои нави ҳамкорӣ ба имзо расиданд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Остона дурнамои рушди ҳамкории Тоҷикистону Қазоқистон дар соҳаҳои электроэнергетика ва нафту газ баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
Таҳкими ҳамкории Тоҷикистон бо ширкати «Smart Villages» -и Миср дар соҳаи инноватсия баррасӣ гардид
