Дар Женева Конфронси байналмилалӣ оид ба коронавирус оғоз гардид
ДУШАНБЕ, 12.02.2020 /АМИТ «Ховар»/. Беш аз ҳазор нафар аз сирояти коронавируси нав, ки имрӯз расман номи Covid-19-ро гирифт, вафот карданд. Дар ҳамин ҳол, садҳо мутахассисон ва намояндагони вазоратҳои тандурустии давлатҳои ҷаҳон барои иштирок дар Конфронси байналмилалӣ оид ба коронавирус, ки дирӯз, 11 феврал дар Женева оғоз гардид, ҷамъ омаданд. Дар ин бора АМИТ «Ховар» бо истинод ба хадамоти матбуоти СММ хабар медиҳад.
Тибқи маълумоти субҳи рӯзи сешанбе, дар Чин ҳамагӣ 42 ҳазору 798 нафар сироят ёфта, аз онҳо 1 ҳазору 17 нафар бар асари ин беморӣ вафот кардаанд. Дар 24 кишвари дигар 393 ҳолати сироятёбӣ ва як фавт дар Филиппин ба қайд гирифта шудаанд.
«Мо то ҳол дар бораи коронавирус маълумоти зиёд надорем… Мо мехоҳем аз дониш ва таҷрибаи шумо барои пайдо намудани посух ба саволҳоямон истифода карда, мушкилотеро, ки эқтимол то ҳол вуҷуд доштанашонро намедонем, муайян намоем», — гуфт Директори генералии Созмони умумиҷаҳонии тандурустӣ (СУТ) Тедрос Адханом Гебрейюс зимни ифтитоҳи конфронс дар Женева.
Ба таъкиди Директори генералии СУТ, яке аз вазифаҳои иштирокдорони форум таҳияи «харитаи роҳ» барои тадқиқоти минбаъда мебошад, ки барои ҷалби таваҷҷуҳи олимон ва донорҳо нигаронида шуда бошад.
«Пеш аз ҳама, бояд табодули маводи лабораторӣ ба роҳ монда шавад. Таҳияи ваксина метавонад 18 моҳро дар бар гирад, аз ин рӯ ҳоло ҷомеаи ҷаҳониро мебояд воситаҳои мавҷударо барои ҳифзи аҳолӣ аз таҳдид истифода барад», — гуфт Тедрос Адханом Гебрейюс.
Имрӯз маълум гардид, ки СУТ ба короновируси нав номи расмӣ гузошт. Он Covid-19 номгузорӣ шуд. Дар ин бора рӯзи сешанбе директории генералии ин созмон зимни суханрониаш дар Женева хабар дод.
ДАР АКС: ҳарорати мизоҷони маркази савдоро дар Янгони Мянмар чен мекунанд. Акс аз Ман Йи
Ҷойгоҳи паёмҳои Президенти Тоҷикистон дар таъсиси ниҳодҳои хос оид ба ҳифзи ҳуқуқи инсон назаррас аст
Расман ба Феҳристи репрезентативии мероси фарҳанги ғайримоддии башарият ворид гардидани ҷашни Меҳргон ифтихор аст
ШАБАКАҲОИ ИҶТИМОӢ ВА НАВРАСОН. Дар ин фазо кӣ ва ё чиро мебояд назорат кард?
Дар Тоҷикистон корҳои омодагӣ ба Конференсияи байналмилалии сатҳи баланд оид ба «Соли байналмилалии ҳифзи пиряхҳо» идома доранд
ПАРЧАМЕ, КИ БАЛАНД АСТ ВА САРИ МОРО ҲАМЕША БАЛАНД МЕДОРАД. Андешаҳои Шоири халқии Тоҷикистон Камол Насрулло дар ин хусус
Нахустин Парчами давлатии Ҷумҳурии Тоҷикистон дар Осорхонаи миллӣ ҳифз ва муаррифӣ мешавад
ПАРЧАМИ ДАВЛАТӢ ДАР КУҶО БОЯД НАСБ КАРДА ШАВАД? Вакили Маҷлиси намояндагон ба ин савол посух дод
ИСТИҚЛОЛИЯТ БА ТОҶИКИСТОН ЭМОМАЛӢ РАҲМОН – СИЁСАТМАДОРИ САТҲИ ҶАҲОНИРО ДОД. Эътироф ва тафсири мақоми шоистаи Пешвои миллат аз ҷониби шахсиятҳои ҷаҳон
16 — НОЯБР РӮЗИ ПРЕЗИДЕНТ. Нигоҳе ба таҳаввул ва ташаккули ниҳоди президентӣ дар Тоҷикистон
ТАШАББУСҲОИ ТОҶИКИСТОН — ҲАЛЛИ МУШКИЛОТИ ДАР ПЕШОРӮИ ҶОМЕАИ ҶАҲОНӢ ҚАРОРДОШТА. Эҳдо ба Рӯзи Президент
ИДОРАКУНИИ ПРЕЗИДЕНТӢ – шакли муассири идоракунии давлатӣ ва равнақбахши Тоҷикистони соҳибистиқлол
ПРЕЗИДЕНТИ ТАШАББУСКОР. Нақши Сарвари Тоҷикистон дар ҳифзи пиряхҳо ва захираҳои оби тоза дар ҷаҳон беназир ва муассир аст
