Мария Захарова: «Вазири корҳои хориҷии Тоҷикистон бо даъвати Сергей Лавров аз Москва боздид менамояд»
ДУШАНБЕ, 21.02.2020 /АМИТ «Ховар»/. Вазири корҳои хориҷии Ҷумҳурии Тоҷикистон Сироҷиддин Муҳриддин бо даъвати Вазири корҳои хориҷии Федератсияи Россия Сергей Лавров бо сафари расмӣ ба шаҳри Москва ташриф меорад. Тавре АМИТ «Ховар» бо истинод ба ТАСС хабар медиҳад, дар ин бора намояндаи расмии Вазорати корҳои хориҷии Россия Мария Захарова 20 феврал зимни брифинг дар шаҳри Москва иттилоъ додааст.
«Дар ҷараёни мулоқот ҷонибҳо оид ба муҳимтарин масъалаҳои байналмилалии рӯзномаи ҷаҳонӣ мубодилаи афкор менамоянд. Инчунин муносибатҳои дуҷониба, ки дар асоси принсипҳои шарикии стратегӣ ва муттаҳидӣ бо такя ба тавофуқот зимни сафари расмии Президенти Ҷумҳурии Тоҷикистон дар шаҳри Москва (моҳи апрели соли 2019) ба амал омада буданд, муҳокима мегарданд», — афзуд намояндаи расмии ВКХ Россия.
Дипломат зикр намуд, ки дар мулоқот ба рушди ҳамкории иқтисодиву тиҷоратӣ ва фарҳангиву гуманитарӣ, инчунин робитаҳои ду мамлакат дар доираи ИДМ, СААД ва СҲШ диққати махсус дода мешавад.
«Ҷонибҳо оид ба вазъи амнияти минтақавӣ, ҳолати кунунӣ дар Афғонистон ва ҳамкорӣ дар самти мубориза бо терроризму гардиши ғайриқонунии маводи мухаддир гуфтугӯ мекунанд»,- афзудааст Мария Захарова.
Гуфта мешавад, ки дар доираи сафар баимзорасии барномаи ҳамкории муштарак миёни ду вазорат дар соли 2020 дар назар дошта шудааст.
Акс аз ВКХ ФР
Тоҷикистон ва Кувайт дурнамои муносибатҳои дуҷонибаро баррасӣ намуданд
Сафири Тоҷикистон бо Ректори Донишгоҳи илмҳои гуманитарии ба номи Муҳаммад ибни Зойид мулоқот намуд
Намояндаи Тоҷикистон бо муовини Котиби генералии Иттиҳоди байналмилалии алоқа мулоқот намуд
Дар Душанбе татбиқи тавофуқот аз натиҷаи музокироти сатҳи олии Тоҷикистон ва Русия баррасӣ шуд
Байни вазоратҳои корҳои хориҷии Тоҷикистон ва Муғулистон машваратҳои сиёсӣ доир шуданд
Сарвазири Тоҷикистон Қоҳир Расулзода бо муовини аввали Президенти Эрон Алӣ Наҷафии Хушрудӣ мулоқот намуд
Намояндаи Тоҷикистон дар Созмони Милали Муттаҳид бо намояндаи олии ин созмон мулоқот намуд
Муносибатҳои дуҷонибаю бисёрҷонибаи Тоҷикистон ва Уммон баррасӣ шуданд
Ҳайати Тоҷикистон дар Нишасти сеюми вазирони корҳои хориҷии Муколамаи стратегии кишварҳои Осиёи Марказӣ иштирок намуд
30-солагии истиқрори муносибатҳои дипломатӣ байни Ҷумҳурии Тоҷикистон ва Давлати Кувайт ботантана таҷлил гардид
Сафири Тоҷикистон бо иҷрокунандаи вазифаи муовини Вазири фарҳанги Ҷумҳурии Корея мулоқот намуд
Муовини аввали Президенти Ҷумҳурии Исломии Эрон Алӣ Наҷафии Хушрудӣ ба Тоҷикистон ташриф овард
