Теъдоди фавтидагон аз коронавирус аз 1000 гузашт

ДУШАНБЕ, 11.02.2020 /АМИТ «Ховар»/.  Шумораи ҳалокшудагон аз коронавирус ба 1 016 нафар расид. Танҳо дар як рӯзи охир шумораи қурбониёни ин вирус то 108 нафар афзоиш ёфтааст. Тавре АМИТ «Ховар» хабар медиҳад, дар ин бора Комиссияи давлатии тандурустии Чин рӯзи сешанбе, 11 феврал хабар додааст.

103 нафар дар як рӯзи охир дар музофоти Ҳубей, ки маркази маъмурии Ухан аст ва маркази эпидемияи ин беморӣ гардид, фавтидаанд. Тибқи иттилои комиссия, дар  Ҷумҳурии Мардумии Чин 42 638 ҳолати сирояти коронавирус тасдиқ шудааст.  37 726 нафар табобат мегиранд, ки 7 333 нафарашон дар ҳолати вазнин қарор доранд.  3999 нафар пас аз табобат аз беморхонаҳо ҷавоб дода шудаанд.

Берун аз Ҷумҳурии Мардумии Чин ҳолатҳои сироятёбӣ дар байни шаҳрвандони 24 давлат муайян карда шуданд. Дар Россия вирус дар ду шаҳрванди Чин ташхис шудааст.

Тибқи иттилои сардухтури санитарии Россия Анна Попова, пас аз он ки таҳқиқот бори дуюм табобат шудани онҳо аз  «сирояти нави  коронавирус» –ро  тасдиқ намояд, онҳо ҷавоб дода мешаванд.

Авҷи илтиҳоби шуш бо навъи коронавируси 2019-nCoV дар маркази маъмурии Ухани вилояти Ҳубей охири декабри соли 2019 рух дод.  Созмони умумиҷаҳонии тандурустӣ онро ҳолати фавқулода эълон карда, ҳамчун эпидемия бо бисёр намудҳои мухталиф тавсиф кардааст.