Бонувон дар ҳамаи арсаҳои зиндагӣ пешсафанд-бардошт аз ҳамоиши тантанавӣ ба шарафи Рӯзи Модар дар Бадахшон
ХОРУҒ, 05.03.2020 /АМИТ «Ховар»/. Дар толори Театри мусиқӣ- мазҳакавии ба номи Меҳрубон Назарови шаҳри Хоруғ бахшида ба Рӯзи Модар маҷлиси тантанавӣ баргузор гардид, ки дар он занони фаъол аз шаҳру ноҳияҳои Вилояти Мухтори Кӯҳистони Бадахшон ширкат доштанд.
Раиси вилоят Ёдгор Файзов бонувонро бо ин иди пуршараф табрик намуда, изҳор дошт, ки “имрӯз нақши бонувон дар рушди иқтисодиву иҷтимоӣ, маориф, фарҳангу тандурустӣ ва таъмини сулҳу субот дар мамлакат бағоят бузург аст.
Мушоҳидаҳои солҳои охир шаҳодат медиҳанд, ки дар ҳар идораву муассисаи давлатию ҷамъиятӣ агар зан роҳбар бошад, дар он ҷо тартибу низом, покизагию озодагӣ ва қонуну адолат риоя карда мешавад. Ҳоло теъдоди хизматчиёни давлатӣ дар вилоят 733 нафарро ташкил медиҳад, ки 28 фоизи онҳо занонанд. Аз 270 нафар хизматчиёни давлатӣ, ки дар мансаби роҳбарикунанда фаъолият доранд, 65 нафарашон бонувон мебошанд. Дар интихоботи Маҷлиси вакилони халқи вилоят, ки ҳафтае пеш баргузор шуд, 22 нафар бонувон ба вакилӣ интихоб шуданд, ки назар ба як соли пеш теъдодашон як баробар зиёд аст. Ин аз заҳмату талош ва хизмати шоистаашон барои ҷомеа шаҳодат медиҳад”.
Зикр шуд, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба мақом ва мартабаи зан- модар баҳои баланд дода, барои ҳарчи бештар ба таҳсил ва кор ҷалб намудани ҷавондухтарон ва занони хонашин супоришҳои ҷиддӣ доданд. Мақомоти иҷроияи ҳокимияти давлатии вилоят тамоми имконияту захираҳояшонро истифода мебарад, то дастуру супоришҳои Сарвари давлатро иҷро намояд.
Як гурӯҳ бонувон барои фаъолияти софдилонаву пурсамар ва саҳми арзишманд дар пешрафти соҳаҳои мухталифи хоҷагии халқи вилоят бо Ифтихорномаи раиси вилоят ва туҳфаҳои хотиравӣ сарфароз гардонида шуданд. Ба чанд нафар аз хабарнигорони воситаҳои ахбори омма медали ҷашнии “Садсолагии матбуоти тоҷик” ва ифтихорномаи Иттифоқи журналистони Тоҷикистон тақдим шуд.
Маҷлиси тантанавӣ бо барномаи адабӣ-мусиқии «Модар фаришта аст», ки онро ҳунармандони театри вилоятӣ таҳия намудаанд, ба поён расид.
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
