Дар шаҳри Роғун озмуни «Маликаи Наврӯз» баргузор гардид
РОҒУН, 19.03.2020. /АМИТ «Ховар»/. Маркази эҷодии кӯдакону наврасони шаҳри Роғун барои дар сатҳи баланд таҷлил намудани ҷашни Наврӯзи байналмилалӣ даври якуми озмуни шаҳрии «Маликаи Наврӯз»-ро дар муассисаҳои таълимӣ бо иштироки 780 нафар ҷавондухтарон дар сатҳи баланд баргузор намуд.
Озмуни мазкур бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба баланд бардоштани сатҳи дониш ва маърифати ҳунаромӯзии ҷавондухтарон гузаронида мешавад.
Тибқи шартҳои низомномаи озмун, гулдухтарони шаҳри Роғун ҳунару маҳорати баланди худро нишон доданд. Дар натиҷа ду нафар хонанда аз муассисаи таълимии №2- Дилнозаи Меҳроб ва аз мактаб-интернати бачагони болаёқат Фархунда Файзова ғолиб дониста шуда, ба даври ҷумҳуриявии озмуни «Маликаи Наврӯз» роҳхат гирифтанд. Дар ин замина тамоми иштирокчиёни озмун бо ифтихорнома ва туҳфаҳои хотиравии мақомоти иҷроияи ҳокимияти давлатии шаҳр қадрдонӣ карда шуданд.
Мудири шуъбаи рушди иҷтимоӣ ва робита бо ҷомеаи шаҳри Роғун Абдулмумин Худойдодов гуфт, ки бахшида ба ҷашни Наврӯзи байналмилалӣ дастпарварони Маркази эҷодии кӯдакону наврасони шаҳр бо ҳисси баланди ватандорӣ барномаи фарҳангӣ доир намуданд.
Инчунин бо мақсади муаррифӣ кардани осори илмию адабӣ ва фарҳангии тоҷикон ҳамчун миллати соҳибмаърифату тамадунсоз, шаҳрсозу шаҳрдор ва соҳиби девону дафтар бахшида ба ҷашни Наврӯзи байналмилалӣ ва Солҳои рушди деҳот, сайёҳӣ ва ҳунарҳои мардумӣ миёни хонандагони муассисаҳои таълимии шаҳр озмунҳои шаҳрии «Дониш ва ҳунар», «Наврӯз ҷашни ниёгони мост», «Наврӯз ҷаҳонӣ шуд» ва «Наврӯз шуду лолаи хушранг баромад» баргузор карда шуданд, ки дар он хонандагони муассисаҳои таълимӣ фаъолона иштирок намуданд.
Ёдовар мешавем, ки дар ин марказ ҳунарҳои мардумӣ, аз қабили дӯзандагӣ, бофандагӣ, гулдӯзӣ, қуроқдӯзӣ, ихтироъкорию навоварӣ ва рассомӣ ба хоҳишмандон пайваста омӯзонида мешаванд. Тибқи маълумоти директори Маркази эҷодии кӯдакону наврасони шаҳри Роғун Олимшо Ҷамилзода, имрӯзҳо омодагиҳои ин марказ ба ҷашни байналмилалии Наврӯз дар сатҳи зарурӣ ба роҳ монда шудааст.
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
