Рассоми маъруфи тоҷик Олимхон Рабиев ба унвони академики Академияи миллии тарроҳии Россия мушарраф гардид
ДУШАНБЕ, 05.03.2020 /АМИТ Ховар/. Ҳунарманди маъруф, раиси Академияи рассомони Тоҷикистон Олимхон Рабиев барои саҳми арзанда дар рушди санъати тасвирӣ, тарроҳӣ ва тарроҳии як зумра иншооти бузурги фарҳангӣ, инчунин барои ҳамкории судманд ва мусоидат дар таҳкими робитаҳои фарҳангӣ байни Тоҷикистон ва Федератсияи Россия ба унвони академики Академияи миллии тарроҳии Россия мушарраф гардид. Дар ин бора ба хабарнигори АМИТ «Ховар» аз маркази матбуоти Вазорати фарҳанги Ҷумҳурии Тоҷикистон иттилоъ доданд.
Шаҳодатнома ва шаҳодатномаи академикӣ 28 феврал дар Москва дар ҷаласаи васеи Раёсати Академияи миллии тарроҳии Россия бо супориши Президенти Академияи миллии тарроҳии Россия Владимир Аронов ба Олимхон Рабиев тақдим гардид.
Мавриди зикр аст, ки номбурда хатмкардаи Мактаби ҷумҳуриявии рассомии ба номи Мирзораҳмат Олимов ва Донишкадаи давлатии фарҳанг ва санъати Тоҷикистон ба номи Мирзо Турсунзода мебошад. Олимхон Рабиев фаъолияти кориашро ба ҳайси директори Мактаби рассомии бачагона, Осорхонаи таърих ва осори таърихии Ваҳдат оғоз кардааст.
Сипас ӯ солҳои 2004 — 2014 дар вазифаи Директори генералии Фонди ҷамъиятии санъати Ҷумҳурии Тоҷикистон фаъолият намуда, айни замон раиси Академияи рассомони Тоҷикистон мебошад.
Ба сифати иштирокчии намоишгоҳҳои рассомони тоҷик дар доираи Рӯзҳои фарҳанги Ҷумҳурии Тоҷикистон дар Озарбойҷон, Қазоқистон, Ҳиндустон ва Федератсияи Россия фаъолона ширкат варзидаст. Инчунин рассоми асосии Карнавал бахшида ба Рӯзи байналмилалии Наврӯз 21 марти соли 2019 дар Душанбе, ташкилкунандаи намоишгоҳи асарҳои рассомони муосири тоҷик дар доираи Рӯзҳои фарҳанги Ҷумҳурии Тоҷикистон дар Чин буд.
Олимхон Рабиев дорандаи ҷоизаи дараҷаи 1-и ордени «Шараф», унвони фахрии доктори фалсафаи санъати ҷаҳонӣ дар Донишгоҳи байналмилалии Оксфорд, Дипломи Фестивали XXII байналмилалии санъати Ассамблеяи байнипарлумонии давлатҳои узви ИДМ, ордени Шаъну шарафи Фонди фарҳангии Санкт-Петербург мебошад.
Расмҳои рассоми боистеъдоди тоҷик Олимхон Рабиев дар коллексияҳои хусусӣ дар Москва ва Санкт-Петербург, инчунин дар ИМА, Франсия, Қазоқистон ва Ҷумҳурии Мардумии Чин ҷой дода шудаанд.
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
