«Ватандӯстӣ ва ифтихори миллӣ-пояи устувори истиқлолият»: ҳамоиш дар ДМТ

Март 13, 2020 15:10

ДУШАНБЕ, 13.03.2020 /АМИТ «Ховар»/. Истиқлолият бузургтарин неъмат барои ҳар миллат буда, омили озодӣ, хушбахтӣ ва саодати миллат ба ҳисоб меравад. Ин неъмати гаронарзиш ба ивази қурбониҳои зиёд, хисороти моливу ҷонӣ ба даст омада, барои аҳли маърифат, хусусан олимон, файласуфон, ҷомеашиносон, сиёсатмадорон, фарҳангиён, рӯҳониён, зиёиён ва қишрҳои дигари ҷомеа, ҳимоя аз Истиқлолияту Ваҳдати миллӣ, худшиносӣ ва ҳувияти миллӣ қарзи имониву виҷдонӣ мебошад. Ин нукта 13 март зимни баргузории суҳбати “мизи гирд”-и ҷумҳуриявии илмию амалӣ дар мавзӯи «Ватандӯстӣ ва ифтихори миллӣ-пояи устувори истиқлолият» дар Донишгоҳи миллии Тоҷикистон (ДМТ) баён гардид.

 Дар ҷамъомади мазкур, ки бо ташаббуси кафедраи «Онтология ва назарияи маърифат»-и факултети фалсафаи ДМТ доир гардид, таъкид шуд, ки миллати тоҷик баъди давлатдории Сомониён дубора дар ибтидои солҳои 90-уми асри гузашта баъди суқути Иттиҳоди  Шӯравӣ соҳиби давлати миллӣ гардид. Зикр шуд, ки масъалаи ҳувияти миллӣ дар ташаккули худшиносии миллӣ яке  аз ҳадафҳои олитарини ҷустуҷӯҳои фалсафӣ буда, ҳанӯз дар таълимоти Зардушт, Суқрот, Гегел, Фуко ва дигар олимон мушоҳида гардидааст.

Ба андешаи маърӯзачиён, ҳувияти миллӣ он эҳсосест, ки қавму қабилаҳо ва халқияту миллатҳои мухталифро дар як сарзамин бо ҳам пайванд ва дар раванди такомул қарор медиҳад. Он ҳамчун бунёди рӯҳ ва равони шаҳрвандони як давлат мебошад, ки ба марҳилаи миллат расидааст.

Дар ҳамоиши ҷумҳуриявии илмию амалӣ иштирокчиён дар мавзӯъҳои «Ватандӯстӣ ва ифтихори миллӣ-пояи устувори истиқлолият»,  «Ватандӯстӣ дар осори мутафаккирони гузаштаи тоҷик», «Худшиносӣ-заминаи ифтихори миллӣ», «Асолати миллӣ ва худшиносии миллӣ», «Аҳамияти ҳувияти миллӣ дар ташаккули худшиносии миллӣ» ва «Тарбияи насли ҷавон дар рӯҳияи худшиносӣ» маърӯза намуда, паҳлӯҳои гуногуни мафҳуми худшиносӣ ва ифтихори миллиро аз ҷиҳати илмӣ баррасӣ намуданд.

Март 13, 2020 15:10

Хабарҳои дигари ин бахш

Дар Панҷакент дар мавзуи «Рӯдакӣ ва эҳёи фарҳанги тоҷикон» конференсияи байналмилалӣ доир шуд
Даври сеюми Озмуни ҷумҳуриявии «Тоҷикистон — Ватани азизи ман» баргузор мегардад
Дар Маркази инноватсионии Чину Тоҷикистон оид ба маҳсулоти табиӣ коргоҳи истеҳсоли маводи доруворӣ ба истифода дода шуд
«РӮДАКӢ РАФТУ МОНД ҲИКМАТИ ӮЙ». Дар Бӯстон ба ифтихори бунёдгузори адабиёти тоҷик озмун доир гардид
ВАРО БУЗУРГИЮ НЕЪМАТ ЗИ ОЛИ СОМОН БУД. Эҳдо ба Рӯзи Рӯдакӣ
ИМРӮЗ — РӮЗИ РӮДАКӢ. Сардафтари адабиёти тоҷику форс бо осори мондагори худ ба забону адаби мо умри ҷовидона бахшидааст
Дар Институти астрофизика доир ба системаи офтобӣ машварат баргузор шуд
Барои кормандони соҳаи ҳифзи муҳити зист ва ҳифзи ҳуқуқ машғулияти омӯзишӣ баргузор гардид
Китоби «Рустами Эмомалӣ – дастпарвари Мактаби давлатдории Пешвои миллат» роҳнамо барои ҷавонони Тоҷикистон аст
«ШОҲНОМА» — БУЗУРГТАРИН ҲАМОСАИ МИЛЛӢ. Ин асар шоҳкории беназири сатҳи ҷаҳонӣ эътироф гардидааст
Аз қалъаи Бибихонуми шаҳри Бохтар бозёфтҳои давраҳои таърихӣ кашф карда шуданд
Оид ба тадбирҳои инноватсионӣ дар соҳаҳои молия, таҳсил ва иқтисод конференсияи байналмилалӣ доир шуд