Коронавирусҳои марговар дар Чин ва Аврупо аз ҳам тафовут доштаанд

ДУШАНБЕ, 15.04.2020 /АМИТ «Ховар»/. Муҳаққиқони Донишгоҳи Кембриҷ 150 шаҷараи мукаммали коронавируси  SARS-CoV-2-ро таҳлил намуда, се намуди мухталифи сироятшавӣ  — «A», «B» ва «С»-ро пайдо кардаанд. Аён шуд, ки вируси 24 декабри соли 2019 дар   озмоишгоҳи Чин ошкор гашта на он вирусест, ки сабабгори  пандемия гаштааст. Тавре АМИТ «Ховар» хабар медиҳад, хулосаҳои коршиносон дар маҷаллаи «Proceedings of the National Academy of Sciences» нашр шудаанд.

Ҳар се намуди вирус аз ҳамдигар аз лиҳози пайдарҳамии  аминокислотаҳо фарқ мекунанд. Навъи «А» беш аз ҳама ба коронавирус наздиктар аст, ки он дар олами кӯршабпаракҳо гардиш мекунад ва   нисбат ба SARS-CoV-2 хосияти аждодӣ дорад . Эҳтимол аст навъи «А» мустақиман аз тоифаи ваҳшии коронавирус ба вуҷуд омадааст. Навъи «А» ва «С» берун аз ҳудуди Осиёи Шарқӣ паҳн шуда,  аслан онҳоро дар Аврупо ва Иёлоти Муттаҳидаи Америка вохӯрдан мумкин аст.

Навъи «В», ки аз навъи «А» рӯидааст (тағйирёбии табиӣ ё сунъиро паси сар намудааст), ба Осиё хос буда, берун аз он ба истиснои вирусҳои тағйирёфта дар дигар ҷойҳо паҳн намешавад. Ин чунин маъно дорад, ки  аҳолии замин аллакай ба он масуният пайдо кардаанд ва ё худ монеаҳои экологӣ омезиш ёфта, садди роҳи паҳншавии он мешаванд.

Аз рӯи маълумоти охирин, дар олам беш аз 1,9 миллион ҳолати сироят ба қайд гирифта шуда, беш аз 114 ҳазор нафар фавтидаанд.

АКСИ Andrew Theodorakis / Getty Images