Хуҷанд: Саҳми ҷомеаҳои меҳнатӣ дар корҳои тарғиботиву тамизгардонӣ назаррас аст

Май 22, 2020 12:03

ХУҶАНД, 22.05.2020. /АМИТ «Ховар»/. Дар назди раёсати Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд таҳти роҳбарии ректори донишгоҳ Мумин Шарифзода ситоди донишгоҳии мубориза бар зидди бемории сироятӣ ташкил гардидааст, ки аъзои он дар ҳудуди шаҳри Хуҷанд байни аҳолӣ корҳои фаҳмондадиҳӣ бурда, биноҳои баландошёнаи аҳолинишинро безарар мегардонанд.

Тавре ба хабарнигори АМИТ «Ховар» мудири шуъбаи таҳлил ва робита бо ҷомеаи Донишгоҳи давлатии ҳуқуқ, бизнес ва сиёсати Тоҷикистон Башорат Ҳакимова хабар дод, ҳамарӯза аз ҷониби аъзои ситод ҷиҳати пешгирӣ аз паҳншавии бемории сироятии COVID-19 дар микроноҳияҳои маҳаллаҳои шаҳри Хуҷанд, чун хонаҳои баландошёна, истгоҳи нақлиётӣ, майдончаҳои варзишӣ, кӯчаву хиёбон, мағозаҳо ва роҳраву нақлиёти ҷамъиятӣ варақаҳои иттилоотии пешгирикунанда аз ин бемории сироятӣ насб гардида, навъҳои гуногуни маҳлулу моеъҳои зиддивирусӣ, ниқобҳои яккаратаву бисёркарата ва дигар ҷиҳозу маҳсулоти зарурии пешгирикунанда низ тақсим ва дар даромадгоҳҳои биноҳо маҳлулҳои безараргардонӣ пошида шуда истодаанд.

«Ҳамзамон дар раванди тадбирҳои амалишуда дар самти пешгирӣ аз ин бемории сироятӣ, иттилоотонии шаҳрвандон, паст намудани таҳлука ва омодагӣ ба ҳолатҳои фавқулода бо иштироки устодони донишгоҳ мунтазам тариқи барномаҳои шабакаҳои телевизионии вилоятӣ ва маҳаллӣ суҳбатҳо ташкил гардида истодаанд», — афзуд Б.Ҳакимова.

Ҳарчанд сироятёбии шаҳрвандон аз ин намуди беморӣ рӯзҳои охир дар шаҳри Хуҷанд коҳиш ёфта бошад ҳам, ҳамзамон аз ҷониби масъулин бо мақсади амалӣ намудани чораҳои зиддиэпидемикӣ ҷиҳати пешгирии интиқол ва пайдоиши сирояти коронавирус ҳамарӯза бурдани корҳои тамизгардониву безараргардонӣ боз ҳам пурзӯр карда шудаанд.

Май 22, 2020 12:03

Хабарҳои дигари ин бахш

ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
ZET-MOBILE иқдоми навро оғоз кард: тарофаҳои «SUPER Қувва» бо тахфифи 50%
Имрӯз дар шаҳри Душанбе ҳаво то 28 дараҷа гарм мешавад
РӮЗИ ҶАҲОНИИ ОМОР. Тавассути омори расмӣ равандҳои муҳими иҷтимоӣ таҳлилу баррасӣ карда мешаванд
Нависандаи халқии Тоҷикистон Кароматуллоҳи Мирзо дар 83- солагӣ аз дунё даргузашт
Имрӯз дар водиҳои Тоҷикистон ҳаво то 30 дараҷа гарм мешавад
Дмитрий Семёнов: «Синамоҷашнвораи байналмилалии «Тоҷи Сомон» фазои ҳамкории байналмилалӣ фароҳам овард»
Имрӯз дар шаҳри Душанбе ҳаво то 26 дараҷа гарм мешавад
Дар Донишгоҳи техникии Тоҷикистон бахшида ба Иди Меҳргон ҳамоиш баргузор карда шуд
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад