СОVID-19. Ҳайати Кумитаи дин, танзими анъана ва ҷашну маросим бо намояндагони СУТ мулоқот намуд

Май 13, 2020 13:30

ДУШАНБЕ, 13.05.2020 /АМИТ «Ховар»/. Имрӯз дар Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон мулоқоти ҳайати Кумита бо намояндагони Созмони умумиҷаҳонии тандурустӣ баргузор гардид.

Тавре аз маркази матбуоти Кумитаи дин, танзими анъана ва ҷашну маросим ба АМИТ «Ховар» иттилоъ доданд, Раиси Кумита Сулаймон Давлатзода бо дарназардошти вазъи пешомада аз намояндагони Созмони умумиҷаҳонии тандурустӣ хоҳиш намуд, ки тавсияҳои худро вобаста ба тартиби дафни шаҳрвандоне, ки бо сабаби бемории сироятӣ мефавтанд, пешниҳод намоянд.

Раиси Кумита иброз дошт, ки хуб мешуд, дар ҷараёни шустани майит ва дафни он ба қадри имкон талаботи фарҳангию мазҳабӣ ба эътибор гирифта шаванд.

«Бо риояи ҳамаи талаботи гигиенӣ дидани рӯи майит, ғусл додан ва дар қабр ниҳодани он аз ҷониби ҳадди ақал яке аз шахсони наздикаш миёни ҷомеаи мо бисёр ҳассос мебошад ва вобаста ба ин мавзӯъ, мо мавқеи Созмонро донистан мехоҳем»,- гуфт  Сулаймон Давлатзода.

Ҳамчунин номбурда бо ишора ба он ки теъдоде аз шаҳрвандони мо дар шароити хона табобат мегиранду эҳтимоли фавт низ вуҷуд дорад, хостори тавсияҳои Созмони умумиҷаҳонии тандурустӣ вобаста ба тартиби дафни майит дар шароити хона гардид.

Намояндаи Созмони ҷаҳонии тандурустӣ Патрик О’Коннор пешниҳодҳои Раиси Кумита Сулаймон Давлатзодаро муҳим арзёбӣ намуда, изҳор дошт, ки рӯзҳои наздик намояндагони Созмон дар доираи ҳисоботе тавсияҳои худро вобаста ба масоили зикршуда баён хоҳанд кард.

Раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Сулаймон Давлатзода ба намояндагони СУТ Патрик О-Коннор ва Олег Стороженка барои талошҳояшон дар роҳи мубориза бо бемории сироятии COVID-19 изҳори сипос намуд.

Патрик О’Коннор низ дар навбати худ ба талошу тасмимҳои Кумита дар роҳи пешбурди корҳои тарғиботӣ ва пешгирӣ аз бемории сироятӣ баҳои мусбат дод.

Май 13, 2020 13:30

Хабарҳои дигари ин бахш

БАХШИДА БА РӮЗИ МОДАР. Нақши занон дар пойдории сулҳу субот, ҳифзи арзишҳои милливу фарҳангӣ ва инсондӯстӣ муассир аст
ТАШАББУСИ ГЛОБАЛИИ ПРЕЗИДЕНТИ ТОҶИКИСТОН. Давлати мо пешоҳанги масоили ҳифзи пиряхҳо дар ҷаҳон мебошад
Президенти Тоҷикистон: «Зиндагии орому осудаи мардуми мо ба қимати ҷони ҳазорон нафар ҷавонмардони ватандӯсту ҷоннисор ва бонангу номуси халқи тоҷик ба даст омадааст»
Пешвои миллат: «Қувваҳои Мусаллаҳ дар айёми барои халқи Тоҷикистон ва давлати тоҷикон ниҳоят ҳассосу сарнавиштсоз хизмати ҷавонмардонаву таърихӣ анҷом доданд»
ҲИФЗИ ОЗОДАПАЛАНГ. Дар Тоҷикистон «Барномаи давлатӣ оид ба ҳифзи бабри барфӣ барои солҳои 2024-2028» қабул гардид
РАВАНДИ ОБИ ДУШАНБЕ. Корҳои омодагӣ ҷиҳати баргузор намудани Конфронси сеюми байналмилалии сатҳи баланд оғоз гардиданд
ПАЙОМАДИ КАМБОРИШУ ХУШК ОМАДАНИ ТИРАМОҲУ ЗИМИСТОН. Он то 30-40 фоизи ҳосили зироати кишоварзиро талаф медиҳад
Эмомалӣ Раҳмон: «Таъкид месозам, ки ҳар оилаи мамлакат бояд ба муҳлати то ду сол захираи маводи зарурии ғизоӣ дошта бошад»
Эмомалӣ Раҳмон: «Сада моҳиятан тақвими чиллашуморӣ аст»
Бемасъулиятӣ ё қафомондагӣ? Сомонаи расмии Агентии авиатсияи граждании назди Ҳукумати Ҷумҳурии Тоҷикистон ба талаботи имрӯз ҷавобгӯ нест. Чаро?
Президенти Тоҷикистон: «Камборишу хушк омадани тирамоҳу зимистони имсола моро водор месозад, ки тамоми имкониятро самаранок истифода намоем»
ТОҶИКИСТОН ВА ҚАТАР. Андешаҳо доир ба афзалият ва дурнамои рушди ҳамкории дуҷониба