Сарбозону афсарони Тоҷикистон дар гузашти низомии тантанавӣ ба ифтихори 75-солагии Ғалаба дар Москва ширкат меварзанд
ДУШАНБЕ, 09.06.2020 /АМИТ «Ховар»/. Сарбозону афсарони Вазорати мудофиаи Ҷумҳурии Тоҷикистон дар гузашти низомии ҷашнӣ бахшида ба иди Рӯзи Ғалаба, ки дар майдони Сурхи Москва баргузор мешавад, ширкат меварзанд, иттилоъ дод ба АМИТ «Ховар» котиби матбуоти Вазорати мудофиаи Тоҷикистон Фаридун Маҳмадализода.
Тавре қаблан АМИТ «Ховар» бо истинод ба шабакаи телевизионии «Звезда» иттилоъ дода буд, дар гузашти низомӣ беш аз 14 ҳазор нафар, тақрибан 300 адад аслиҳа ва техникаи низомӣ, аз ҷумла беш аз 100 ҳавопаймо ширкат мекунанд. Аз майдони Сурх дар баробари низомиёни рус ҳамчунин низомиёни хориҷӣ мегузаранд.
Дар маросими тантанавӣ дар майдони Сурх қатори сафи Тоҷикистон иборат аз 75 хизматчии ҳарбӣ, ки ба он курсантони Донишкадаи ҳарбии Вазорати мудофиаи Ҷумҳурии Тоҷикистон, сарбозон ва афсарони баталони қаровули фахрии Ситоди генералии Қувваҳои мусаллаҳи Ҷумҳурии Тоҷикистон шомиланд, бо роҳбарии подполковник Файзимуҳаммад Ҳафиззода мегузарад.
Тавре котиби матбуоти Вазорати мудофиаи Тоҷикистон зикр намуд, хизматчиёни ҳарбии зикршуда солҳои пеш дар тамоми парадҳои тантанавӣ берун аз кишвар иштирок карда буданд.
Ёдовар мешавем, ки гузашти низомӣ ба ифтихори 75-солагии Ғалаба бар фашизм 24 июни соли 2020 дар пойтахти Россия доир мегардад. Маҳз дар ин рӯз, 75 сол қабл, 24 июни соли 1945, аввалин гузашти низомӣ ба ифтихори Ғалаба дар Майдони Сурхи Москва баргузор шуда буд. Онро Константин Рокоссовский фармондеҳӣ карда, Георгий Жуков қабул намуда буд.
ДАР АКС: низомиёни Тоҷикистон дар майдони Сурхи Москва 9 майи соли 2015 ҳангоми гузашти низомӣ бахшида ба Рӯзи Ғалаба. Акс аз бойгонӣ.
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
