Ширкати россиягии «Ritta Romani» ба дӯзандаҳои тоҷик ниёз дорад
ДУШАНБЕ, 04.06.2020 /АМИТ «Ховар»/. Ширкати россиягии «Ritta Romani», ки либосҳои кӯдаконаро истеҳсол ва интиқол менамояд, дӯзандаҳоро аз Тоҷикистон ба кори доимӣ даъват намуда, онҳоро бо маоши арзанда таъмин менамояд. Дар ин бора ба АМИТ «Ховар» котиби матбуоти Намояндагии Вазорати меҳнат, муҳоҷират ва шуғли аҳолии Тоҷикистон дар Россия Иброҳим Аҳмадов хабар дод.
Аз ҷониби директори генералии ширкат ба Намояндагии Вазорати меҳнат, муҳоҷират ва шуғли аҳолии Тоҷикистон дар Россия аллакай дархости расмӣ фиристода шудааст.
«Ҷойҳои холии корӣ барои дӯзандаҳои соҳибтаҷрибае, ки дар дӯхтани либосвории трикотаж малака доранд, омода гаштаанд», — мегӯяд Иброҳим Аҳмадов.
Тибқи дархост, реҷаи корӣ аз рӯзи душанбе то рӯзи ҷумъа аз соати 08: 00 то 17:00 буда, маош аз 25000 то 40000 рубл мебошад.
Хотиррасон менамоем, ки ширкати «Ritta Romani» бренди навест, ки рушди муваффақона дорад. Зери ин бренд номгӯи зиёди либосворӣ барои кӯдакони навзод, тифлакон ва наврасон истеҳсол карда мешавад. Ҳадафи аслии муассисони ин ширкат, ки соли 2014 таъсис ёфтааст, истеҳсоли либосҳои бароҳат ва тибқи мӯд дӯхташуда мебошад.
Қаблан ба Вазорати меҳнат, муҳоҷират ва шуғли аҳолии Тоҷикистон дар Россия корхонаи хишти «Кор» аз шаҳри Черепановои вилояти Новосибирск низ муроҷиат намуда, шаҳрвандони Тоҷикистонро ба кор даъват намуда буд.
Иброҳим Аҳмадов ҳамчунин гуфт, ки 2 июн ба намояндагӣ аз роҳбарияти ҶДММ «ПЭК» барои ҳаммолон дар анборҳои шаҳрҳои Москва ва Королёв дархости дахлдор ворид гардид.
«Талабот ба кор чунин аст: синну сол аз 20 то 40, уҳдадорӣ: борбардории мошинҳои боркаш. Музди меҳнат аз 24 ҳазор рубл. Ташкилот хобгоҳи ройгон пешниҳод менамояд. Хароҷот барои ба расмият даровардани иҷозатнома аз ҷониби корфармо бо тарҳкунии минбаъда пас аз 3 моҳ пардохт карда мешавад. Дар ҳолати фаъолияти на кам аз 11 моҳ дар ташкилот хароҷоти иҷозатнома баргардонда мешавад. Ғайр аз ин, ташкилот пешпардохтро ҷуброн менамояд, яъне андози ҳармоҳаи меҳнатро дар як моҳ 4 ҳазор рубл ҷуброн мекунад», — гуфт ӯ .
АКС аз сомонаи агентии Sputnik
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
