«Худро аз бемории COVID-19 ҳифз намо!». Таҳти ин унвон кормандони милиса дар Рӯшон амалиёт гузарониданд

Июль 18, 2020 11:54

РӮШОН, 18.07.2020 /АМИТ «Ховар» /. Бо ибтикори кормандони шуъбаи Вазорати корҳои дохилии Ҷумҳурии Тоҷикистон дар ноҳияи Рӯшон амалиёт таҳти унвони «Худро аз бемории COVID-19» ҳифз намо!» баргузор гардид. Дар доираи ин амалиёт кормандони милиса ба роҳгузарони маркази ноҳия ниқобҳои муҳофизатӣ, маҳлулҳои антисептикӣ тақсим намуда, ба онҳо оид ба хуруҷи мавҷи дуюбораи ин беморӣ дар баъзе аз давлатҳои ҷаҳон маълумот дода, дар ҳифзи саломатии худ ва атрофиён эҳтиёткор буданро таъкид намуданд. Дар ин рӯз байни сокинони маркази ноҳияи Рӯшон 1 ҳазору 500 дона ниқобҳои муҳофизатӣ, 700 адад маҳлулҳои антисепитикӣ, наздик ба 300 дона дастпӯшакҳои яккарата ройгон тақсим карда шуд.

Тавре хабарнигори минтақавии АМИТ «Ховар» иттилоъ медиҳад, баргузоркунандагони амалиёти мазкур   ҳамзамон ба сокинони  ноҳия  зарурати ворид намудани тағъйиру иловаҳо ба Кодекси ҳуқуқвайронкунии маъмурӣ ва Кодекси ҷиноятии Ҷумҳурии Тоҷикистонро  шарҳу тавзеҳ доданд.

Сардори шуъбаи Вазорати корҳои дохилӣ дар ин ноҳия Ҷӯрахон Зикрёзода изҳор дошт, ки чоруми июли соли равон Пешвои миллат муҳтарам Эмомалӣ Раҳмон қонунҳои Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҳуқуқвайронкунии маъмурӣ ва Кодекси ҷиноятии Ҷумҳурии Тоҷикистон»-ро ба имзо расониданд. Ин чораҳои маҳдудкунанда дар бисёр давлатҳои Аврупо ва Осиё низ ҷорӣ шуданд ва мақсади ягонаашон ин ҳифзи саломатии шаҳрвандон мебошад.

«Дар ин шабу рӯз ҳар як шаҳрванд бояд нисбат ба саломатии худ, аҳли оила ва ҷомеа ҷиддӣ муносибат намояд. Маҳз таъсири чунин чорабиниҳои муштараки Вазорати корҳои дохилӣ ва Вазорати тандурустии ҷумҳурӣ буд, ки аз шиддати паҳншавии ин беморӣ пешгирӣ карда шуд. Дар ноҳияи Рӯшон ҳамагӣ 20 нафар ба ин беморӣ мубтало шуданд, ки ҳамаашон табобат ёфтанд», — афзуд Ҷӯрахон Зикрёзода.

Сокини ноҳия Холиса Саидхонова гуфт, ки  тибқи тағйиру иловаҳои зикршуда пӯшидани ниқоб дар ҷойҳои ҷамиятӣ ҳатмӣ аст.

«Албатта баргузор кардани чунин ҳамоиш ва тақсими ройгони ниқобу маҳлулҳои зиддисептикӣ, доир кардани корҳои фаҳмондадиҳӣ аз тарафи шуъбаи Вазорати корҳои дохилӣ дар ноҳия амали зарурӣ ва саривақтӣ буда,  дар пешгирии ин бемории сироятӣ таъсири мусбӣ мегузорад», — илова кард номбурда.

Июль 18, 2020 11:54

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»