Дар Донишгоҳи давлатии тиҷорати Тоҷикистон 8 ихтисоси нав таъсис дода шуд
ДУШАНБЕ, 17.07.2020 /АМИТ «Ховар»/. Дар Донишгоҳи давлатии тиҷорати Тоҷикистон бо назардошти рушди босуботи мамлакат, густариши робитаҳои иқтисодии берунмарзӣ, тамини ҳуқуқии фаъолияти соҳибкорӣ ва бехатарии иқтисодӣ 8 ихтисоси нав таъсис дода шуд. Дар ин бора имрӯз зимни нишастӣ матбуотӣ муовини ректор оид ба илм ва ҳамкории байналмилалӣ Заррина Қодирова иброз намуд.
Ба гуфтаи номбурда, менеҷменти тарабхона ва меҳмонхонаҳо, иқтисодиёт ва ташкили бизнеси тарабхонаҳо, сервиси тарабхона ва меҳмонхонаҳо, ҳуқуқи андозу бонкӣ, ҳуқуқи гумрукӣ, ҳуқуқи иттилоотӣ, бехатарии иқтисодӣ ва иқтисодиёти бизнеси электронӣ аз ҷумлаи ихтисосҳои нав мебошанд.
Муовини ректор Заррина Қодирова дар идома дар бораи дастоварду пешравиҳои муассиса ибрози андеша намуда, зикр кард, ки дар давраи ҳисоботӣ рейтинги муассисаҳои таҳсилоти олии касбии Ҷумҳурии Тоҷикистон, ки Хадамоти давлатии назорат дар соҳаи маориф аз рӯи 34 нишондод муайян кард, дар байни муассисаҳои таҳсилоти олии касбӣ Донишгоҳи давлатии тиҷорати Тоҷикистон ҷойи чорумро ишғол намуд.
Дастоварди дигари Донишгоҳ аз аккредитатсияи байналмилалӣ гузаштани 6 барномаи таълимӣ, аз ҷумла 4 барномаи бакалаврӣ ва 2 барномаи магистрӣ буд, ки ҳамаи онҳо соҳиби акредитатсияи байналмилалӣ ва сертификат гардиданд.
Донишгоҳ дар барномаҳои ташкилотҳои байналмилалӣ, аз ҷумла Эрамус+, Бонки ҷаҳонӣ, инчунин дар доираи созишномаҳои байналмилалии дуҷониба фаъолона иштирок намуд.
Донишгоҳи давлатии тиҷоратии Тоҷикистон ҳамчунин ҳамкории худро бо донишгоҳҳои Қазоқистон, Федератсияи Россия, Кореяи Ҷанубӣ, Ӯзбекистон, Қирғизистон, Беларус, Чин, Булғористон, Полша, Испания, Италия ва ИМА хуб ба роҳ мондааст.
ХОВАЛИНГ ТАЪРИХИ ЯКМИЛЛИОНСОЛА ДОРАД. Он барои илми ҷаҳонӣ чун маъхази бостоншиносӣ хизмат менамояд
Академияи миллии илмҳои Тоҷикистон ва Вазорати тандурустии Федератсияи Русия ҳамкориро тақвият медиҳанд
Сокинони ноҳияи Исмоили Сомонии пойтахт соҳиби туҳфаи Президенти Тоҷикистон — «Шоҳнома»-и Ҳаким Фирдавсӣ шуданд
Олимони ҷавони тоҷик дар машғулияти Мактаби байналмилалии тобистонаи Узбекистон иштирок доранд
Намоиши «Олами гулдӯзии тоҷикон» дар Осорхонаи миллии қолинҳои Озарбойҷон доир мегардад
«ТОҶИКИСТОН — ВАТАНИ АЗИЗИ МАН». Аз 25 то 30 сентябр даври сеюми озмуни ҷумҳуриявӣ баргузор мешавад
Дар нашриёти «Эр Граф» «Фарҳанги тафсирии истилоҳоти осорхонашиносӣ» аз чоп баромад
Оид ба омӯзиши таърих ва тамаддуни халқи тоҷик дар замони соҳибистиқлолӣ конфронси илмӣ баргузор гардид
ТУҲФАИ АРЗАНДАИ ПРЕЗИДЕНТИ ТОҶИКИСТОН. Тақдими китоби «Шоҳнома» ба беш аз 48 ҳазор оилаи шаҳри Ҳисор оғоз шуд
«ТОҶИКИСТОН — ВАТАНИ АЗИЗИ МАН». Даври сеюми озмуни ҷумҳуриявӣ моҳи сентябр оғоз мегардад
Дар остонаи ҷашни Истиқлоли давлатӣ китоби «Корномаҳои ҷовидонаи Пешвои муаззами миллат» аз чоп баромад
«Шоҳнома»-и Ҳаким Фирдавсӣ бузургтарин мактаб дар тарбияи худшиносии миллӣ мебошад
