Баррасии татбиқи сиёсати экологӣ дар барномаи таҳлилии «Сарват» аз Радиои «Ховар»

Август 10, 2020 09:01

ДУШАНБЕ, 10.08.2020. /АМИТ «Ховар»/. Афзоиши босуръати аҳолӣ ва  зиёд шудани талабот нисбат ба об ҷомеаи ҷаҳонро водор намудааст, ки барои таъмини баробари об ба аҳолӣ ва истифодаи мақсадноки ин сарвати бебаҳо ташаббусҳои зиёд пешниҳод шуда, дар заминаи онҳо сохторҳо ва лоиҳаҳои  махсус вобаста ба ҳалли мушкилоти экологӣ таъсис дода шаванд. Соли 2014 Академияи миллии илмҳои Тоҷикистон (АМИТ) бо Академияи илмҳои Ҷумҳурии мардумии Чин созишномаи ҳамкорие ба имзо расонид, ки  дар доираи он намояндагони илмии ҳарду давлат корҳои зиёди илмиву таҳқиқотӣ ба анҷом расониданд.

 Натиҷаи чунин ҳамкории самарабахш буд, ки соли 2016 дар асоси созшномаи муштараки Тоҷикистону Чин намояндагии Маркази илмӣ-таҳқиқотии экология ва муҳити зисти Осиёи Марказӣ  дар назди АМИТ таъсис дода шуд. Ба андешаи ноиби Президенти АМИТ, узви вобастаи АМИТ, доктори илмҳои биология Абдусаттор Саидов, яке аз ҳадафҳои асосии таъсиси намояндагии Маркази илмӣ-таҳқиқотии экология ва муҳити зисти Осиёи Марказӣ  дар назди АМИТ- ин омӯзиши масъалаҳои марбут ба об, аз ҷумла, реҷаи дарёҳои Тоҷикистон ва хусусиятҳои гидрологии кӯлҳои Тоҷикистон, пешгирии хавфи офатҳои табиӣ, омӯзиши гуногунии биологӣ ва экосистемаҳои табиӣ ва дигар масъалаҳои ба ин монанд ба ҳисоб меравад.

Тафсилоти бештари мавзӯъ вобаста ба нақши намояндагии Маркази илмӣ-таҳқиқотии экология ва муҳити зисти Осиёи Марказӣ дар Тоҷикистон дар татбиқи сиёсати экологии мамлакат соатҳои 10:30, 14:30 ва 20:30 дар барномаи таҳлилии “Сарват”– и радиои “Ховар” бо иштироки ноиби Президенти АМИТ, узви вобастаи АМИТ, доктори илмҳои биология Абдусаттор Саидов дар таҳияи муҳаррири барнома Манижа Баҳромзода пешниҳоди шунавандагон мегардад.

Август 10, 2020 09:01

Хабарҳои дигари ин бахш

ҚОНУНИ ТОҶИКИСТОН «ДАР БОРАИ ТАРБИЯИ ВАТАНДӮСТИИ ШАҲРВАНДОН». Шарҳи он дар барномаи «Ватанпарвар»-и Радиои «Ховар»
«ЗАН ВА ОБОДОНИИ МАҲАЛ». Мавзӯи мазкур дар барномаи «Зан ва зиндагӣ»-и Радиои «Ховар» баррасӣ карда мешавад
«АЗ ФУРӮҒ ТО ФУРӮҒ». Дар ин барномаи Радиои «Ховар» Мадина Каримзода доир ба ғолибияти худ дар озмуни ҷумҳуриявӣ маълумот медиҳад
«ОБШАВИИ ПИРЯХҲО-МУШКИЛОТИ БУЗУРГИ САЙЁРА». Баррасии мавзӯъ дар барномаи «Сарват»-и Радиои «Ховар»
ТАШАББУСҲОИ ҶАҲОНИИ ТОҶИКИСТОН ОИД БА ОБУ ИҚЛИМ. Баррасии мавзӯъ дар барномаи таҳлилии «Сарват»-и Радиои «Ховар»
«ЗАН ВА ЗИНДАГӢ». Дар ин барномаи Радиои «Ховар» мавзўи нақши бонувон дар рушди илмҳои дақиқ шарҳ дода мешавад
«СОЛИ 2025-СОЛИ БАЙНАЛМИЛАЛИИ ҲИФЗИ ПИРЯХҲО». Дар барномаи «Сарват»-и Радиои «Ховар» зарурати қабули ташаббуси навбатии Тоҷикистон баррасӣ мегардад
«СОЛИ 2025-СОЛИ БАЙНАЛМИЛАЛИИ ҲИФЗИ ПИРЯХҲО». Баррасии аҳамияти ташаббуси панҷуми ҷаҳонии Тоҷикистон дар барномаи «Сарват»-и Радиои «Ховар»
КОНФРОНСИ ОБИ СММ-2023. Нақши он дар ҳалли муаммоҳои экологӣ дар барномаи «Сарват»-и Радиои «Ховар» баррасӣ мешавад
КОНФРОНСИ ОБИ СММ-2023. Барномаи «Сарват» — и Радиои «Ховар» нақши онро дар масъалаи ҳифзи пиряхҳо баррасӣ менамояд
КОНФРОНСИ ОБИ СММ-2023. Раванди омодагӣ ба он дар барномаи таҳлилии «Сарват»-и Радиои «Ховар» баррасӣ мегардад
Барномаи «Сарват»-и Радиои «Ховар» масъалаи тағйирёбии иқлимро аз нигоҳи Бюллетени Созмони ҷаҳонии метеорологӣ шарҳ медиҳад