Дар Душанбе дурнамои ҳамкории фарҳангии Тоҷикистон ва Россия баррасӣ гардид
ДУШАНБЕ, 14.08.2020 /АМИТ «Ховар»/. 13 август Вазири фарҳанги Ҷумҳурии Тоҷикистон Зулфия Давлатзода бо муовини вазири фарҳанги Федератсияи Россия Олга Ярилова мулоқот намуд. Дар суҳбат ҷонибҳо масъалаи фароҳам овардани имконият ба муҳаққиқони ҷавони фарҳангшиноси тоҷик барои таҳсил дар аспирантура ва докторантураҳои муассисаҳои олии таълимии Федератсияи Россияро мавриди баррасӣ қарор доданд. Дар ин бора ба хабарнигори АМИТ «Ховар» аз маркази матбуоти Вазорати фарҳанг иттилоъ доданд.
Дар мулоқот тарафҳо паҳлуҳои дурнамо ва имконияти ҳамкориро дар самтҳои дигари фарҳанг, аз ҷумла китобдорӣ, табъу нашр, мубодилаи иттилоот, омоданамоии мутахассисони тоҷик дар донишкадаву донишгоҳҳои соҳавии Федератсияи Россия, ташкили курсҳои кӯтоҳмуддат ва дарсҳои маҳорат, табодули таҷриба, фиристодани ҳунармандони соҳибкасб ва соҳибмалака барои омӯзонидани ҳунармандони ҷавон таҳлил намуданд.
Дар мулоқот муовини якуми Вазири фарҳанги Тоҷикистон Обид Назариён, муовинони Вазири фарҳанг Қурбоналӣ Абдураҳимзода ва Манучеҳр Шарифзода, муовини сардори Намояндагии «Россотрудничество» дар Тоҷикистон Иван Иванов низ иштирок намуданд.
Вазири фарҳанги Ҷумҳурии Тоҷикистон Зулфия Давлатзода оид ба фаъолияти вазорат, дастовардҳои соҳаи фарҳанги мамлакат ва таваҷҷуҳи хоссаи Сарвари давлат ва Ҳукумати мамлакат маълумот дода, зикр намуд, ки дар ҷумҳурӣ сохтмонҳои азими фарҳангӣ, аз ҷумла Китобхонаи миллии Тоҷикистон, Осорхонаи миллии Тоҷикистон ва садҳо иншооти фарҳангӣ бунёд гардидаанд. Рӯзҳои наздик бинои нави Театри мусиқӣ-драмавии шаҳри Хоруғ бо иштироки Пешвои миллат ба фаъолият оғоз мекунад.
Дар ҷараёни мулоқот фаъолияти Театри давлатии драмавии русии ба номи В. Маяковский, тарбияи ҳунармандони соҳаи театр, ташкили табодули китоб тавассути нусхаҳои ҳатмӣ, дастраснамоии китобҳои бадеӣ ба китобхонаҳои мамлакат, тарҷумаи китобҳои адибони классик ва муосири рус бо забони тоҷикӣ ва адибони тоҷик ба забони русӣ ва ғайра баррасӣ гардид.
Дар фарҷом ҷонибҳо омодагии худро ҷиҳати густариши ҳамкории мутақобилаи судманд дар соҳаи фарҳанг бо истифода аз таҷрибаи мавҷуда дар ҳалли масъалаҳои мавриди таваҷҷуҳ изҳор доштанд.
Ёдовар мешавем, ки ҳамкории дуҷонибаи фарҳангӣ миёни Ҷумҳурии Тоҷикистон ва Федератсияи Россия аз соли 1992 оғоз гардида, пайваста рушд менамояд.
Ҳамоҳангсози миллии Чин оид ба корҳои Созмони ҳамкории Шанхай бо таъриху фарҳанги миллати тоҷик шинос шуд
35-СОЛАГИИ ИСТИҚЛОЛИ ДАВЛАТӢ. Кинотеатрҳои Тоҷикистон бо технологияи муосир муҷаҳҳаз мегарданд
«ТАРОНАИ ШАРҚ». Дар Фестивали ХIII байналмилалӣ мусиқии суннатии тоҷик муаррифӣ мегардад
Ҳамкории Академияи миллии илмҳои Тоҷикистон бо муассисаҳои илмию таҳқиқотии Русия густариш меёбад
Роҳбарони хадамоти бойгонии Иттиҳоди Давлатҳои Мустақил бо таъриху тамаддуни бостонии тоҷикон шинос шуданд
Дар Душанбе ҷаласаи XXI ҳакамони Озмуни байналмилалии «Санъати китоб» баргузор шуд
Вобаста ба таҳияи лоиҳаи «Дастурамали либосҳои тавсиявӣ барои духтарон ва занони Тоҷикистон» ҷаласаи гурӯҳи корӣ баргузор шуд
Дар Британияи Кабир нахустнамоиши Осорхонаи миллӣ баргузор мешавад
Даври сеюми Фестивали «Таомҳои миллӣ» ва озмуни «Зеби дастархон» ҷамъбаст мегардад
Ҳамкории Осорхонаи миллии Тоҷикистон бо Муассисаи фарҳангии Созмони ҳамкории иқтисодӣ баррасӣ гардид
НИШАСТИ МАТБУОТӢ. Соли 2023 17 донишҷӯи Консерваторияи миллӣ ғолиби озмуни «Тоҷикистон-Ватани азизи ман» гардид
«ҚАДРШИНОСИИ ҲУНАРИ АСИЛ». Моҳи октябр Синамоҷоизаи дуюми миллии «Тоҷи Сомон» доир мегардад
