Дар Муъминобод машварати августии кормандони соҳаи маориф доир гардид
ДУШАНБЕ, 14.08.2020 /АМИТ «Ховар»/. Имрӯз дар толори муассисаи таҳсилоти миёнаи умумии рақами 6-и ноҳияи Муъминобод бо иштироки раиси ноҳия Тоҳирхон Амиршозода ва намояндаи Раёсати маорифи вилояти Хатлон Эмомалӣ Сайдамиров машварати августии кормандони соҳаи маорифи ноҳия баргузор гардид. Дар ин бора мудири бахши рушди иҷтимоӣ ва робита бо ҷомеаи дастгоҳи раиси ноҳияи мазкур Бахтовари Диловар ба хабарнигори АМИТ «Ховар» хабар дод.
Нахуст роҳбарияти ноҳия ва ҳозирин аз маҳсули ҳунари дастии омӯзгорону хонандагон боздид ба амал оварданд.
Мудири шуъбаи маорифи ноҳияи Муъминобод Олим Табаров оид ба бурду бохти соҳаи маорифи ноҳия дар соли хониши 2019-2020 ҳисобот пешниҳод намуд.
Гуфта шуд, ки кормандони соҳаи маорифи ноҳия фаъолиятро баҳри татбиқи муваффақонаи сиёсати бобарору умедбахши Ҳукумати Ҷумҳурии Тоҷикистон зери роҳбарии бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва санадҳои меъёриву ҳуқуқии соҳа ба роҳ монда, ба дастовардҳои назаррас ноил гардиданд.
Олим Табаров иброз дошт, ки ҷомеаи омӯзгорону кормандони соҳаи маорифи ноҳия баҳри баланд бардоштани сатҳу сифати таълиму тарбия ва пешгирии ҳама гуна омилҳои номатлуб, тамоюлҳои бегонапарастӣ, пешгирии бемориҳои сироятӣ, аз ҷумла коронавирус аз тамоми имкониятҳо истифода мекунад.
Раиси ноҳия Тоҳирхон Амиршозода оид ба вусъати фаъолият дар давраи пандемия, риояи қоидаҳои беҳдоштӣ, тавсияи табибон ва дигар тадбирҳо ба масъулин дастуру супоришҳои мушаххас дод.
Баъдан як гурӯҳ омӯзгорон ва кормандони соҳа, ки зимни фаъолият ба дастовардҳои назаррас ноил гардидаанд, бо сипосномаву туҳфаҳои хотиравии Мақомоти иҷроияи ҳокимияти давлатии ноҳияи Муъминобод, Раёсати маорифи вилоят ва шуъбаи маорифи ноҳияи Муъминобод сарфароз гардонида шуданд.
Корҳои сохтмонӣ дар бинои истиқоматӣ барои кормандони Кумитаи телевизион ва радио оғоз шудааст
Имсол дар Тоҷикистон Намоишгоҳи 12-уми байналмилалии «Китоби Душанбе» баргузор мегардад
НИШАСТИ МАТБУОТӢ. Дар Тоҷикистон 6 агентии иттиллоотӣ, аз инҳо 1 давлатӣ ва 5 мустақил фаъолият дорад
Дар Бадахшон бо иштироки ҳайати Иттифоқи нависандагони Тоҷикистон маҳфили адабӣ доир шуд
«ТОҶИКИСТОН – ВАТАНИ АЗИЗИ МАН». Даври сеюми ин озмуни ҷумҳуриявӣ моҳи сентябр баргузор мешавад
Ҳайати котиботи номинатсияи фаромиллии Роҳи абрешим: Долони Фарғона — Сирдарё бо ёдгориҳои таърихӣ, фарҳангӣ ва меъмории Суғд шинос мегардад
Олимони Чин бо фаъолияти расадхонаҳои Тоҷикистон шинос шуданд
Вобаста ба масъалаҳои таъмини ҳифзи сирри давлатӣ дар матбуот ва дигар воситаҳои ахбори омма машварати омӯзишӣ доир гардид
22 июл дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Дар Душанбе намоиши «Намунаҳои атласу адраси тоҷикӣ аз фонди Осорхонаи миллӣ» ифтитоҳ гардид
Сайёҳон ба воситаи аудиошунавоӣ бо мавзеъҳои таърихиву фарҳангии шаҳри Хуҷанд шинос мешаванд
