ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар ноҳияи Ванҷ бинои ҷамоати Язгулом мавриди баҳрабардорӣ қарор гирифт
ДУШАНБЕ, 08.09.2020 /АМИТ «Ховар»/. Дар арафаи ҷашни 29-солагии Истиқлолияти давлатии Ҷумҳурии Тоҷикистон бинои ҷамоати Язгуломи ноҳияи Ванҷ мавриди истифода қарор дода шуд. Дар ин бора аз мақомоти иҷроияи ҳокимияти давлатии Вилояти Мухтори Кӯҳистони Бадахшон ба АМИТ «Ховар» хабар доданд.
Бинои мазкур бо сифати баланд сохта шуда, маблағгузори он Ҳукумати Ҷумҳурии Тоҷикистон мебошад. Раиси Вилояти Мухтори Кӯҳистони Бадахшон Ёдгор Файзов зимни сафари корӣ дар ноҳияи Ванҷ ба сифати сохтмон баҳои баланд дода, зикр намуд, ки бинои мазкур солҳои зиëд барои бошандагони ин ҷамоати дурдасти кӯҳистон хизмат хоҳад кард.
Инчунин раиси вилоят аз деҳаи Андарбаки Ҷамоати деҳоти Язгулом дидан намуд. Зимни сафари кории раиси вилоят дар инҷо хатти оби нӯшокӣ мавриди истифода қарор дода шуд, ки дарозии он 21 километрро ташкил медиҳад.
Хатти оби нӯшокӣ бо маблағгузории Раёсати Швейтсария оид ба рушд ва ҳамкорӣ тавассути Барномаи Ҷонибдории Инкишофи Иҷтимоии Манотиқи Кӯҳистони Фонди Оғохон ва саҳми сокинони деҳа бунëд шуда, дар остонаи ҷашни Истиқлолияти давлатии Ҷумҳурии Тоҷикистон мавриди баҳрабардорӣ қарор гирифт. Надоштани оби нӯшокӣ яке аз мушкилоти деҳаи мазкур ба ҳисоб рафта, дар остонаи ҷашни 29-умин солгарди Истиқлолияти давлатӣ он ҳалли худро пайдо намуд. Ëдгор Файзов бо сокинони рустонишини водӣ вохӯрда, бошандагони деҳаи Андарбакро ба муносибати ҷашни Истиқлолияти давлатии Ҷумҳурии Тоҷикистон ва ифтитоҳи хатти оби ошомиданӣ самимона табрик гуфт.
Зикр шуд, ки Ҷамоати деҳоти Язгулом зери таваҷҷуҳи Пешвои миллат муҳтарам Эмомалӣ Раҳмон қарор дошта, баҳри рушди ин гӯшаи зебои мамлакат тамоми имкониятҳо истифода бурда мешаванд.
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
