Дар Душанбе таҳти унвони «Пайравони Пешвои миллатем» ҳамоиш баргузор гардид
ДУШАНБЕ, 11.09.2020 /АМИТ «Ховар»/. Дар бинои Бонки давлатии амонатгузории «Амонатбонк» 10 сентябр бо ибтикори Кумитаи кор бо ҷавонон ва варзиши назди Ҳукумати Ҷумҳурии Точикистон бо иштироки ҷавонони қишрҳои гуногуни ҷомеа таҳти унвони «Пайравони Пешвои миллатем» ҳамоиш баргузор гардид.
Дар ҳамоиш раиси Кумитаи кор бо ҷавонон ва варзиши ҷумҳурӣ Абдулло Раҳмонзода ва дигар намояндагони фаъол иштирок намуда, доир ба маъракаи муҳими дарпешистода, яъне интихоботи Президенти Ҷумҳурии Точикистон, ки 11 октябр баргузор мегардад, изҳори андеша намуданд.
«Интихоботи дарпешистода яке аз маъракаҳои муҳими сиёсии мамлакати мо маҳсуб шуда, ҳар як шаҳрванди Тоҷикистон бояд барои иштироки фаъолона дар он талош намояд. Зеро мо бояд барои ҳафт соли минбаъда шахсеро ба ин мансаби пурмасъул интихоб намоем, ки тавонад барои мардуми кишвар зиндагии шоистаро таъмин намуда, баҳри шукуфоии аз ин беши сарзамин чаҳду талош намояд. Шахсияте бошад, ки мардум ба ӯ эътимоду боварӣ дошта бошанд ва тавонад обрӯву мартабаи миллатро дар арсаи байналмилалӣ боз ҳам баландтар бардорад. Бо назардошти ҳамин омилҳо Иттифоқи ҷавонони Тоҷикистон номзадии Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмонро ҳамчун номзад ба мансаби Президенти Ҷумҳурии Тоҷикистон пешбарӣ намуд, ки якдилона ҷонибдори онем»,- иброз дошт Абдулло Раҳмонзода.
Дар ҳамоиш узви Иттифоқи ҷавонони Тоҷикистон, гирандаи стипендияи дукаратаи президентӣ Фарзона Восиева ва дигар ҷавонони фаъол низ иброз намуданд, ки «мо талош меварзем дар татбиқи ғояҳои низоми давлатдорӣ, ки аз ҷониби Пешвои миллат мушаххас гардидаанд, саҳм гузошта, иштироки сазовори ҷавононро дар равандҳои бунёдкоронаи ҷомеаи мамлакат таъмин намоем».
Дар охири ҳамоиш иштирокдорон ҷиҳати ҷонибдорӣ аз номзади Иттифоқҳои касабаи мустақили Тоҷикистон, Иттифоқи ҷавонони Тоҷикистон ва Ҳизби Халқии Демократии Тоҷикистон дар интихоботи Президенти Ҷумҳурии Тоҷикистон зикр намуданд, ки онҳо ояндаи боз ҳам дурахшони Тоҷикистонро танҳо бо Эмомалӣ Раҳмон мебинанд.
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
