Дар Ҳисор бо иштироки муовини Сарвазири мамлакат корхонаи сангтарошии «Чилтан» ба фаъолият шурӯъ кард

Сентябрь 21, 2020 10:15

ДУШАНБЕ, 21.09.2020/АМИТ «Ховар»/. Дар доираи омодагиҳо ва таҷлили сазовори ҷашни 30-солагии Истиқлолияти давлатии Ҷумҳурии Тоҷикистон дар шаҳри Ҳисор бо иштироки муовини Сарвазири мамлакат Давлатшоҳ Гулмаҳмадзода ва раиси шаҳри Ҳисор  Шарифҷон Ҷумъазода иншооти  гуногун ифтитоҳ гардида, мавриди баҳрабардорӣ карор дода шуданд.

Аз ҷумла, корхонаи сангтарошии «Чилтан» дар деҳаи Хоҷачилдиёри болои деҳоти Мирзо Ризо, корхонаи обҳои ташнагишикани «Мужда ЛТД»,  маркази саломатию варзишӣ, корхонаи «Қоғази Шарора», корхонаи истеҳсоли саноатии «Анас Одина»,  майдончаи варзишӣ дар деҳаи Шӯроби Афғони деҳоти Сомон, маркази савдо, сехи дӯзандагӣ ва дорухона  дар деҳаи Дучинораи деҳоти Сомон,  пули мошингузар дар деҳаи Хирманаки деҳоти Сомон, корхонаи парандапарварӣ дар заминаи Ҷамъияти саҳомии пӯшидаи «Ҳасиби Ҳисор» дар деҳаи Файзбахши деҳоти Навобод, майдончаи варзишӣ  дар маҳаллаи ҳаштуми шаҳраки Ҳисор, бинои иловагӣ иборат аз чор синфхона дар назди муассисаи таҳсилоти умумии асосии №80, воқеъ дар деҳаи Иттифоқи деҳоти Ҳисор,  бинои иловагӣ иборат аз чор синфхона дар назди муассисаи таҳсилоти миёнаи умумии №76, воқеъ дар маҳаллаи Соҳибдилони шаҳраки Шарора, бинои якуми корхонаи парандапарварӣ дар маҳаллаи Сафобахши шаҳраки Шарора аз ҷумлаи иншооте мебошанд, ки ба истифода дода шуданд.

Дар бунёди иншооти таъйиноташон гуногун, ки баробари ба истифода додани онҳо беш аз 300 ҷойи нави кор  фароҳам оварда шуд,  соҳибкорони маҳаллӣ ва шахсони саховатпешша саҳми назаррас гузоштаанд.

Омодагиҳо ба ҷашни 30-солагии Истиқлолияти давлатии Ҷумҳурии Тоҷикистон  ба ҷабҳаи бузурги созандагӣ дар мамлакат табдил гардида, ба ифтихори таҷлили ин санаи фархунда дар тамоми шаҳру навоҳии  мамлакат раванди корҳои бунёдкорию созандагӣ бо суръат идома дорад.

Ба истифода додани  корхонаю марказҳои хизматрасонӣ дар шаҳри Ҳисор дар ҳолест, ки 18 сентябр бо иштироки Асосгузори сулҳу ваҳдати миллӣ, Пешвои миллат, Президенти Ҷумҳурии  Тоҷикистон муҳтарам Эмомалӣ Раҳмон дар шаҳри Ҳисор бинои истиқоматии баландошёна ва сехи дӯзандагӣ, муассисаи таълимии томактабӣ барои 250 кӯдак, маркази хизматрасонии «Ҳисор Плаза», корхонаи коркарди ҷуворимакка, корхонаи коркарди шир ва боғи зимистонаи «Шаршара» мавриди истифода қарор дода шуданд.

Сентябрь 21, 2020 10:15

Хабарҳои дигари ин бахш

Дар Суғд дар мавзуи ҳамкории фаромарзӣ дар соҳаи об машғулияти омӯзишӣ гузаронида шуд
35-СОЛАГИИ ИСТИҚЛОЛИ ДАВЛАТӢ. Дар Бадахшон сохтмони 17 бинои муассисаи таълимӣ идома дорад
Дар соҳили рости дарёи Сир ба дарозии 2 километр ва паҳноии 8 метр роҳрав сохта мешавад
Зернизоми Декларатсияи вуруд ва хуруҷи воситаҳои нақлиёти низоми иттилоотии Хадамоти гумрук -«АСИКУДА-и ҷаҳонӣ» фаъол карда шуд
Байни Душанбе ва Пекин парвозҳои мустақим ифтитоҳ гардиданд
АЗ ФАЙЗИ ВАҲДАТ. Дар Бадахшон беш аз 200 маркази инкишофи барвақтии кӯдак фаъолият дорад
Намояндаи Тоҷикистон дар Форуми ҳамкории индустриалӣ ва сармоягузории «Чин – Осиёи Марказӣ» иштирок намуд
То анҷоми соли 2025 дар Минтақаи озоди иқтисодии «Данғара» корхонаҳои нав ба фаъолият оғоз менамоянд
Натиҷаҳои Конфронси байналмилалии сатҳи баланд оид ба ҳифзи пиряхҳо дар Брюссел муаррифӣ карда шуд
Форуми сармоягузории Тоҷикистон ва Қирғизистон баргузор мегардад
35-СОЛАГИИ ИСТИҚЛОЛИ ДАВЛАТӢ. Дар ноҳияи Ҷалолиддини Балхӣ сохтмони биноҳои нави таълимию варзишӣ ҷараён дорад
Дар Душанбе самтҳои муҳими ҳамкории Тоҷикистон ва Чин дар соҳаи моликияти зеҳнӣ баррасӣ шуд