Дар МОИ «Кӯлоб» Маркази рушди истеъдодҳои ҷавонон ва мусоидат ба содироти маҳсулоти сайёҳӣ бунёд мешавад
ДУШАНБЕ, 25.09.2020. /АМИТ «Ховар»/. Дар ҳудуди Минтақаи озоди иқтисодии «Кӯлоб» Маркази рушди истеъдодҳои ҷавонон ва мусоидат ба содироти маҳсулоти сайёҳӣ тавассути МОИ «Кӯлоб» бунёд мешавад.
Тавре ба хабарнигори АМИТ «Ховар» масъулини МОИ «Кӯлоб» иттилоъ доданд, бо ин мақсад бо ташаббуси Кумитаи рушди сайёҳӣ дар ҳамкории зич бо Кумитаи кор бо ҷавонон ва варзиш, Вазорати меҳнат, муҳоҷират ва шуғли аҳолӣ бо дастгирии молиявии Барномаи рушди СММ лоиҳаи бунёди Маркази рушди истеъдодҳои ҷавонон ва мусоидат ба содироти маҳсулоти сайёҳӣ тавассути МОИ «Кӯлоб» тарҳрезӣ гардидааст, ки рӯзҳои наздик тибқи тартиби муқарраргардида, ба воситаи Кумитаи рушди сайёҳӣ ва дигар вазорату идораҳои марбута ба шарикони рушд барои дарёфти сармоягузорӣ пешниҳод карда мешавад.
Лоиҳаи бунёди марказ бо тарзи замонавӣ ва санъати миллӣ омода гардидааст. Иншооти мазкур аз ду ошёна ва таҳхона иборат буда, дар таҳхонаи он бунёди ошхона барои 40 ҷой ва ҳаммом, дар ошёнаи якум утоқҳои чакандӯзӣ (барои 15 ҷой), кулолгарӣ (7 ҷой), заргарӣ (8 ҷой), кандакорӣ (8 ҷой,) маҷлисгоҳ (11 ҷой), утоқи корӣ ва дар ошёнаи дуюм марказҳои тренингӣ (30 ҷой) ва нашриёт (полиграфия- 4D) дар назар аст.
Чанде пеш Раиси Кумитаи рушди сайёҳии назди Ҳукумати Ҷумҳурии Тоҷикистон Ширин Амонзода аз мавзеи ҷойгиршавии МОИ «Кӯлоб» боздид намуд.
Ҳадафи асосии боздид иҷрои саривақтии дастуру супоришҳои Президенти Ҷумҳурии Тоҷикистон ва Сарвазири мамлакат вобаста ба бунёд намудани марказҳои нави омӯзишӣ, рушди ҳунарҳои мардумӣ, зиёд намудани истеҳсоли маҳсулоти сайёҳӣ ва содироти он ва ба ин васила ташкил намудани ҷойҳои нави корӣ тавассути истифодаи васеи имтиёзҳои андозию гумрукии МОИ «Кӯлоб» маҳсуб меёбад.
Зимни боздид иброз гардид, ки дар шароити зудтағйирёбандаи иқтисодиёти ҷаҳонӣ, паҳншавии бемориҳои сироятии КОВИД-19 ва болоравии сатҳи бекорӣ дар тамоми ҷаҳон бо истифода аз имтиёзҳои пешниҳоднамудаи Ҳукумати мамлакат бояд ба таъсиси ҷойҳои нави корӣ дар дохили ҷумҳурӣ диққати махсус дода шавад. Дар навбати худ татбиқи амалии лоиҳаи мазкур метавонад ба таъсиси ҷойҳои нави корӣ, паст намудани сатҳи камбизоатӣ ва коҳиш додани шиддати иҷтимоии аҳолӣ, хусусан дар шаҳри Кӯлоб ва ноҳияҳои минтақа мусоидат намояд.
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
