Дар «Шахтаи Фон-Яғноб» истихроҷи ангишт ба 545 ҳазор тонна расонида шуд
ДУШАНБЕ, 01.09.2020 /АМИТ «Ховар»/. Корхонаи фаръии «Шахтаи Фон-Яғноб»-и вилояти Суғд истихроҷи ангиштро ба 545 ҳазор тонна расонид, ки нисбат ба нақшаи пешбинигардида 5400 тонна зиёд мебошад.
Дар ин бора зимни ҷамъомад дар Корхонаи фаръии «Шахтаи Фон-Яғноб» -и ноҳияи Айнӣ бахшида ба Иди касбии кормандони соҳаи ангишт, ки ҳамасола якшанбеи охири моҳи август дар Ҷумҳурии Тоҷикистон ҷашн гирифта мешавад, иттилоъ дода шуд.
Тавре аз мақомоти иҷроияи ҳокимияти давлатии вилояти Суғд ба АМИТ «Ховар» хабар доданд, дар ҷамъомад роҳбарияти ноҳия, муовини Вазири саноат ва технологияҳои нав Содиқҷон Рустамӣ, муовини якуми Раиси вилояти Суғд Хол Ҳайдар, директори генералии Корхонаи воҳиди давлатии «Ангишти Тоҷик» Сайфиддин Аслиддинзода ва кормандони соҳаи ангишт дар ноҳияи Айнӣ иштирок доштанд.
Зикр карда шуд, ки кормандони корхона минбаъд низ аз уҳдаи вазифаҳои дар наздашон гузошта сарбаландона баромада, дар рушду нумӯи Тоҷикистони соҳибистиқлол нақши назаррас гузошта, бо дарки масъулияти баланд ҷашни 30-солагии Истиқлолияти давлатии Ҷумҳурии Тоҷикистонро таҷлил менамоянд.
Меҳмонон ҳамзамон аз сехи дӯзандагӣ ва маҷмааи варзишӣ дидан намуданд.
Бояд гуфт, ки бахшида ба ҷашни 30-солагии Истиқлолияти давлатии Ҷумҳурии Тоҷикистон бо ташаббуси бевоситаи роҳбарияти корхонаи фаръии «Шахтаи Фон-Яғноб» як коргоҳи дӯзандагӣ, толори варзишӣ ва майдончаи фароғатӣ бо 20 ҷойи нави корӣ ташкил карда шуда, дар арафаи Иди касбии ангиштканон мавриди истифода қарор дода шуд.
Иншооти мазкур ба тарзи замонавӣ сохта шуда, сехи дӯзандагӣ ва маҷмааи варзишӣ бо таҷҳизоти нави замонавӣ таъмин карда шудаанд.
Акс аз бойгонии АМИТ «Ховар»
ПЕШГИРИИ ОҚИБАТҲОИ ТАҒЙИРЁБИИ ИҚЛИМ. Дар Тоҷикистон майдони дарахтони саксавул ва павловния васеъ мегардад
Дар Тоҷикистон шумораи истифодабарандагони интернет 5,2 миллион нафарро ташкил медиҳад
Байни Тоҷикистон ва Қирғизистон оид ба ҳамкории тиҷоратӣ Ёддошти тафоҳум ба имзо расид
НИШАСТИ МАТБУОТӢ. Соли 2025 ба соҳаҳои иқтисодии Тоҷикистон 57,1 миллиард сомонӣ равона карда шуд
Агентии «Тоҷикстандарт»: «Аз марҳилаи муайяни тамғаи «Нутрилон» ва «Малютка» истифода набаред!»
Тсзоу Ҷиайи: «Бонки Осиёии Сармоягузориҳои Инфрасохторӣ барномаҳои миллӣ ва минтақавии рушди Тоҷикистонро дастгирӣ менамояд»
Дурнамои ҳамкории Тоҷикистон ва Иттиҳоди Аврупо дар соҳаҳои сармоягузорӣ ва иқтисод баррасӣ гардид
Татбиқи лоиҳаи «Азнавпайвастшавӣ ба низоми ягонаи энергетикии Осиёи Марказӣ» баррасӣ гардид
Ҷаласаи якуми Шурои байниҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Дар ҷаласаи Шуро оид ба шарикии давлат ва бахши хусусӣ чор лоиҳаи нав ба маблағи 82,5 миллион сомонӣ баррасӣ шуд
Дар Тоҷикистон хизматрасонии интернети моҳворавии Starlink расман оғоз гардид
НИШАСТИ МАТБУОТӢ. Ба буҷети давлатӣ аз ҳисоби бақияи қарзи андозҳо беш аз 2 миллиард сомонӣ ворид карда шуд
