Дар Тоҷикобод ҷиҳати сафарбарнамоии ҷавонон ба сафи Қувваҳои Мусаллаҳ ҳамоиши тарғиботӣ гузаронида шуд

Сентябрь 24, 2020 13:42

ДУШАНБЕ, 24.09.2020 /АМИТ «Ховар»/.   23 сентябр дар ноҳияи Тоҷикобод барои  сафарбарнамоии ҷавонон ба сафи Қувваҳои Мусаллаҳи Ҷумҳурии Тоҷикистон дар назди Парчам ва Нишони давлатии Ҷумҳурии Тоҷикистон дар ноҳия ҳамоиши тарғиботию омодагӣ ва ҳамзамон дар бинои фарҳанг мулоқоти роҳбарони ноҳия бо ҷавонони синни даъватии солҳои таваллуди 1994-2003 доир гардид. Дар ин бора хабарнигори АМИТ «Ховар» бо истинод ба маркази матбуоти раиси ноҳияи Тоҷикобод иттилоъ медиҳад.

Раиси ноҳияи Тоҷикобод Қадриддин Фақерзода зикр намуд, ки «хизмат ба Ватан қарзи шаҳрвандии ҳар фарди Тоҷикистон маҳсуб ёфта, ҳифзи марзу бум барои ҷавонон вазифаи муқаддас аст. Ҷавонон бояд ин муқаддасотро мисли гавҳараки чашм нигоҳ доранду барои ҳифзаш ҳамеша омода бошанд».

Мавсуф иброз дошт, ки имрӯзҳо ҷавонони ноҳия дар сафи Қувваҳои Мусаллаҳи Ҷумҳурии Тоҷикистон бо сари баланд адои хизмат менамоянд. Ин аст, ки аксари онҳо сазовори ҳурмату эҳтироми баланд гардида, бо медал ва Раҳматномаи Вазорати мудофиаи Ҷумҳурии Тоҷикистон мукофотонида шудаанд.

Инчунин ба ҳамаи падарону модарон, роҳбарони муассисаҳои таълимӣ, ки чунин фарзандони боғуруру ватандӯстро бо меҳру муҳаббати самимӣ тарбия намудаанд ва онҳо имрӯз бо амри дил барои хизмати Ватан-Модар ҳозир гаштаанд, аз номи мақомоти иҷроияи ҳокимияти давлатии ноҳия миннатдорӣ баён гардид.

Зикр шуд, ки аз ҷониби роҳбарони ноҳия барои дастгирии ҳамаҷонибаи ҷавонон ҷиҳати дар оянда ба касбомӯзӣ фаро гирифтани онҳо замина фароҳам оварда шудааст. Зимни ҳамоиш ба ҷавонон барои  ба Комиссариати ҳарбӣ ҳозир шудану ихтиёран азми хизмат карданашон ифтихорномаҳо тақдим гардиданд.

Ҷавонон дар навбати худ ваъда доданд, ки хизмати Модар –Ватанро  софдилонаю поквиҷдонона адо менамоянд.

Сипас ҷавонони даъватшуда аз муоинаи тиббӣ гузашта, шахсони солим барои  дар рӯзи аввали даъват ҳозир шудан ба сафи Қувваҳои мусаллаҳи ҷумҳурӣ номнавис гардиданд.

Ёдовар мешавем, ки дар Ҷумҳурии Тоҷикистон соле ду маротиба маъракаи даъвати ҷавонписарони синни даъватӣ ба сафи Қувваҳои мусаллаҳ доир мегардад. Имрӯзҳо дар шаҳру ноҳияҳо барои давраи даъвати тирамоҳӣ корҳои тарғиботиву ташвиқотӣ ҷараён доранд.

Сентябрь 24, 2020 13:42

Хабарҳои дигари ин бахш

ПУРСИДЕД? ҶАВОБ МЕДИҲЕМ. Парвандаҳои маданӣ дар судҳо чӣ гуна баррасӣ карда мешаванд?
Раиси Суди Олии иқтисодии Ҷумҳурии Тоҷикистон: «Дар фаъолияти судҳо нақши забон амиқу дақиқ дарҷ шудааст»
Ҷаласа доир ба таъсиси Шурои миллии ҳамоҳангсозӣ оид ба Чаҳорчӯбаи васеъшудаи шаффофият баргузор гардид
Дар Душанбе ҷаласаи 38-уми Шурои ҳамкорӣ дар соҳаи тандурустии кишварҳои аъзои ИДМ ба кори худ оғоз намуд
«ЗАБОН-ҲАСТИИ МИЛЛАТ». Дар муассисаҳои таълимии шаҳри Хуҷанд Рӯзи забони давлатӣ таҷлил мегардад
Дар Душанбе ҷаласаи 38-уми Шурои ҳамкорӣ дар соҳаи тандурустии давлатҳои аъзои ИДМ баргузор мегардад
НАМУНАИ ИБРАТ. Раиси ноҳияи Восеъ ва раиси Ҷамоати Оббурдони ноҳияи Мастчоҳ писаронашонро ба хизмати ҳарбӣ гусел намуданд
Дар Тоҷикистон шумораи аҳолии аз 100-сола боло 415 нафарро ташкил медиҳад
1 ОКТЯБР — РӮЗИ ПИРОНСОЛОН. Таъмини зиндагии шоиста барои онҳо афзалияти сиёсати иҷтимоии Тоҷикистон аст
«МАН БА ХИЗМАТ МЕРАВАМ». Таҳти ин унвон дар вилояти Хатлон иқдоми ҳизбӣ доир гардид
Дар Тоҷикистон дар ҳашт моҳи соли 2025 шумораи мусофиркашонӣ тавассути нақлиёт 10,2 фоиз афзудааст
Масъалаи омодасозии лоиҳаи шартӣ барои вокуниш ба ҳолатҳои фавқулода дар Тоҷикистон баррасӣ шуд