«Хизмат ба Ватан шараф аст»- таҳти чунин унвон дар Левакант ҳамоиш оид ба даъвати тирамоҳии наваскарон оғоз гардид
ДУШАНБЕ, 21.09.2020 /АМИТ «Ховар»/. Дар робита ба маъракаи даъвати тирамоҳии шаҳрвандон ба сафи Қувваҳои мусаллаҳ, ки имрӯзҳо дар саросари мамлакат ҷараён дорад, 19 сентябр дар назди бинои Комиссариати ҳарбии шаҳри Левакант таҳти унвони «Хизмат ба Ватан шараф аст» ҳамоиш доир гардид. Дар он 36 нафар ҷавонон ба таври ихтиёрӣ барои хизмат дар сафи Қувваҳои мусаллаҳ ҳозир шуданд. Дар ин бора хабарнигори АМИТ «Ховар» бо истинод ба маркази матбуоти раиси шаҳри Левакант иттилоъ медиҳад.
Раиси шаҳри Левакант Зарина Давлатзода ба волидайни ҷавононе, ки бо амри дил баҳри адои қарзи фарзандӣ дар назди давлату миллат ва ҳифзи марзу буми меҳан камари ҳиммат бастаанд, миннатдорӣ баён намуд. Мавсуф зикр намуд, ки «дар ин маъракаи муҳим эҳсос гардид, ки ҳам ҷомеа ва ҳам ҷавонон аз худ ташаббуси волои ватандӯстиву меҳанпарастӣ нишон дода, садоқати худро ба сиёсати пешгирифтаи Пешвои муаззами миллат муҳтарам Эмомалӣ Раҳмон бори дигар тасдиқ карданд».
Бо иқдоми Комиссариати ҳарбӣ дар мувофиқа бо мақомоти иҷроияи ҳокимияти давлатии шаҳр ҳар ҷавоне, ки дар сафи Қувваҳои мусаллаҳ хизмати ихтиёрӣ интихоб мекунад, ба якчанд имтиёз соҳиб мешавад, ки яке аз онҳо шаҳодатномаи ронандагӣ мебошад.
Ёдовар мешавем, ки 2 сентябри соли равон Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1993-2002 Ҷумҳурии Тоҷикистон ба хизмати ҳарбӣ» ба тасвиб расид.
«ДУШАНБЕ — МУАРРИФУ ТАҲКИМБАХШИ АРЗИШҲОИ СОҲИБИСТИҚЛОЛӢ». Бардошт аз ҳамоиши илмӣ-адабӣ
ИСТИҚЛОЛИЯТ — ҚИМАТТАРИН НЕЪМАТИ ЗИНДАГӢ. Дар мақомоти Ваколатдор оид ба ҳуқуқи инсон ҳамоиши идона баргузор шуд
Дар Чин барои хизматчиёни давлатӣ даври омӯзишӣ оғоз гардид
Лоиҳаи «Беҳтар намудани хизматрасонии тиббӣ барои модар ва кӯдак дар чор ноҳияи вилояти Хатлон» амалӣ шуд
Ғолибони озмунҳои ҷумҳуриявии «Ҳамсари беҳтарин» ва «Фарзанд-боғи падару модар» муайян гардиданд
Ягона роҳи пешгирии бемории сурхча ва гулафшон иммунизатсия мебошад
Дар беш аз 400 муассисаи тандурустии Тоҷикистон воситаҳо барои пардохти электронӣ насб гардиданд
Дар шаҳри Турсунзода биноҳои Маркази касбомӯзӣ ва раёсати Агентии меҳнат ва шуғли аҳолӣ бунёд мегарданд
Озмунҳои ҷумҳуриявии «Беҳтарин ҳамсар» ва «Фарзанд-боғи падару модар» ҷамъбаст мегарданд
Ҷаласаи V Шурои ҳамоҳангсози мақомоти ваколатдори давлатҳои аъзои СААД баргузор гардид
Дар Тоҷикистон ҳавои фасли тирамоҳ чӣ гуна мешавад?
Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
