Инъикоси ҷашни 29-умин солгарди Истиқлолияти давлатии Тоҷикистон дар ВАО-и Миср

Сентябрь 10, 2020 16:25

ДУШАНБЕ, 10.09.2020 /АМИТ «Ховар»/. Дар баробари агентиҳои иттилоотии ҷаҳонӣ солгарди навбатии ҷашни Истиқлолияти давлатии Ҷумҳурии Тоҷикистон дар сархати васоити ахбори оммаи Ҷумҳурии Арабии Миср, аз ҷумла  «Ал-ахбар-ал-явм», «Ал-мисрӣ-ал-явм», «Баладна нюс», «Шбабинил» ва «Рузалюсуф» қарор дошт.

Тавре ВАО-и мисрӣ менависанд, Тоҷикистон 9 сентябр 29-умин солгарди Рӯзи истиқлолияти давлатии худро таҷлил менамояд. Истиқлолият давлатӣ, ки 29 сол пеш ба даст омад, дар таърихи Тоҷикистон падидаи сиёсиву тақдирсоз мебошад. Ин сана воқеан оғози давраи навини таърихи давлати тоҷикон ва марҳилаи нави ташаккули тафаккур ва фалсафаи идораи давлатӣ ба шумор меравад.

Ҳамзамон тазаккур дода мешавад, ки сиёсати хориҷии Тоҷикистон офаридаи даврони истиқлолият буда, бунёдгузору наққоши асосии он Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад. Сарвари давлат Эмомалӣ Раҳмон бо эълони «сиёсати дарҳои боз» равобити байналмилалиро баҳри муаррифии Тоҷикистон дар ҷаҳон ва ҷалби сармояи хориҷӣ барои бозсозии кишвар оғоз намуд, ки ин сиёсат имрӯз ҳам бомуваффақият идома дорад.

Ҳамакнун, менависанд ВАО-и мисрӣ, бо гузашти солҳо собит шуд, ки барои Тоҷикистон, ба далели ҷойгир шуданаш дар яке аз минтақаҳои мураккаби олам,  сиёсати дарҳои кушода беҳтарин равиш барои пешбурди фаъолият дар самти сиёсати хориҷист. Ин сиёсат ба маънои эъломи омодагии Тоҷикистон барои ҳамкорӣ бо тамоми давлатҳои ҷаҳон бар асоси баробарӣ ва манфиатҳои дуҷониба аст.

Ҳамчунин ёдовар мешаванд, ки Миср яке аз аввалин кишварҳое дар ҷаҳон буд, ки Истиқлолияти Ҷумҳурии Тоҷикистонро 1 январи соли 1992 эътироф намуд ва то имрӯз байни Миср ва Тоҷикистон 12 созишнома оид ба ҳамкории дуҷониба ба имзо расидаанд.

Сентябрь 10, 2020 16:25

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Дар Хуҷанд Маҷмааи муосири варзишии «Суғд Арена» сохта мешавад
Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
СОҲИБКОРОНИ ВАТАНДӮСТ. Бо ташаббуси онҳо дар Хатлон сохтмони муассисаҳои таҳсилоти томактабӣ идома дорад
Мумфаршкунии роҳи мошингарди Чимтеппа-Шарора-Ҳисор оғоз гардид
Дар шаҳри Турсунзода маркази табобатии «Осуда» ифтитоҳ гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор сохтмони 4 мактаби нав ва 2 муассисаи томактабӣ шуруъ шуд
35-СОЛАГИИ ИСТИҚЛОЛИ ДАВЛАТӢ. Дар ҳамаи ҷамоатҳои деҳоти ноҳияи Мастчоҳ кӯдакистон сохта мешавад
ДУШАНБЕ-ШАҲРИ КӮДАКОНИ ХУШБАХТ! Дар пойтахт сохтмони 56 муассисаи таҳсилоти томактабӣ идома дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Спитамен бинои нави муассисаи таълимӣ бунёд мешавад
СОЛҲОИ РУШДИ САНОАТ. Дар шаҳри Гулистон сохтмони корхонаҳои саноатӣ вусъат меёбад
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон корхонаи истеҳсоли газоблок бунёд мешавад
Рустами Эмомалӣ бинои нави маъмурии Нозироти андоз дар ноҳияи Шоҳмансури шаҳри Душанберо мавриди истифода қарор доданд