Китоби «Уфуқҳои истиқлол»-и Президенти Тоҷикистон Эмомалӣ Раҳмон соҳиби Шоҳҷоизаи озмуни XVII байналмилалии «Санъати китоб»-и кишварҳои узви ИДМ гардид

Сентябрь 2, 2020 11:20

ДУШАНБЕ, 02.09.2020 /АМИТ «Ховар»/. Китоби «Уфуқҳои истиқлол» («Горизонты независимости»)-и Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳиби Шоҳҷоизаи  Озмуни XVII байналмилалии «Санъати китоб» гардид. Дар ин бора ба хабарнигори АМИТ «Ховар» аз маркази матбуоти Вазорати фарҳанг иттилоъ доданд.

Озмуни мазкур дар шаҳри Мински Ҷумҳурии Беларус ду рӯз тариқи онлайн баргузор шуда, дар он аз 6 кишвари узви ИДМ- Федератсияи Россия, Арманистон,  Беларус, Қазоқистон, Тоҷикистон ва Қирғизистон 75 китоб мавриди баррасии ҳакамон қарор гирифтанд.

Аз Ҷумҳурии Тоҷикистон ду муассиса: Нашриёти «Ирфон» ва ҶДММ «Ношир» 5 китоби тозанашри хешро тибқи талаботи озмун манзури ҳакамон гардониданд.

Ҳакамон китобҳоро аз рўйи номинатсияҳои «Иттиҳод», «Кишвари ман», «Китоб барои кӯдакон ва ҷавонон», «Муколамаи фарҳангҳо», «Илм ва маориф», «Китоби мунаққаш (Арт-книга)», «Китоби дар иттиҳод нашршуда», «Санъати ороиш», «Ғалаба» ва «Шоҳҷоиза» муайян намуданд.

Дар номинатсияи «Кишвари ман» ҷойи сеюм ба китоби Турсунов Н. «История Худжанда». – Худжанд: «Ношир», 2019, дар номинатсияи «Илм ва маориф» ҷойи сеюм ба китоби Абдувалиева Ф.Р. «Учебно-методическое пособие по русскому языку для студентов всех специальностей Худжандского медицинского колледжа». – Худжанд: «Ношир», 2019, дар номинатсияи «Китоби мунаққаш» (арт-книга) ҷойи дуюм насиби китоби Исаев А., Шарифов М. «Таджикистан: Книга-альбом». – Душанбе: «Ирфон», 2019, дар номинатсияи «Шоҳҷоиза» (Гран При) китоби Пешвои муаззами тоҷикон Эмомалӣ Раҳмон «Горизонты независимости: Книга-альбом». – Душанбе: «Ирфон», 2020, сазовор дониста шуда, китоби Ҳамрохон З. «Золотая сокровищница таджиков: Фотоальбом». – Душанбе: «Ирфон», 2019,  бо дипломи махсуси номинатсияи «Кишвари ман» қадр карда шуд.

Озмуни байналмилалии «Санъати китоб» аз соли 2004 инҷониб бо ибтикори Шӯрои байнидавлатӣ оид ба ҳамкорӣ дар соҳаи матбуоти даврӣ, нашр, савдою тавзеҳи китоб ва умури ноширии Иттиҳоди Давлатҳои Мустақил ва дастгирии Фонди байналмилалии ҳамкории гуманитарӣ бо иштироки ноширон ва намояндагони кишварҳои узв баргузор мегардад. Мақсади асосии Озмун дарёфти лоиҳа ва дастовардҳои беҳтарин дар соҳаи табъу нашр ва тарғиби он дар доираи кишварҳои ИДМ мебошад.

Соли 2018 Озмуни XV байналмилалии «Санъати китоб»-и кишварҳои узви ИДМ дар шаҳри Душанбе баргузор гардида, дар он китоби «Донишномаи фарҳанги мардумии тоҷик», иборат аз 2 ҷилд дар радифи китобҳои Ҷумҳурии Беларус ва Федератсияи Россия сазовори «Шоҳҷоиза» гардида буд.

Ёдовар мешавем, ки мукофотонидани ғолибони Озмуни XVII байналмилалии «Санъати китоб»-и кишварҳои узви ИДМ бо диплом ва ҷоизаҳои Кумитаи Иҷроияи ИДМ дар доираи маросими тантанавии ғолибон дар Намоишгоҳ-ярмаркаи байналмилалии китоби Москва аз 4 то 7 сентябр дар назар аст.

Сентябрь 2, 2020 11:20

Хабарҳои дигари ин бахш

Кормандони мақомоти милитсияи шаҳри Душанбе ба тамошои Осорхонаи миллии Тоҷикистон рафтанд
Бахшида ба Рӯзи байналмилалии ҳифзи ёдгориҳои таърихию фарҳангӣ конференсияи илмӣ-назариявӣ доир мешавад
Дар Донишгоҳи давлатии молия ва иқтисоди Тоҷикистон озмуни «Фурӯғи субҳи доноӣ китоб аст» доир шуд
Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
МУЖДАИ НАВРӮЗӢ. «Ёддоштҳо»-и устод Айнӣ барои ҳамзабонони эронӣ ба нашр расид