КМИР шахсони боэътимоди номзадҳо ба мансаби Президенти Ҷумҳурии Тоҷикистонро дар асоси рӯйхати пешниҳоднамудаи онҳо ба қайд гирифт

Сентябрь 14, 2020 17:05

ДУШАНБЕ, 14.09.2020 /АМИТ «Ховар»/. 14 сентябри соли равон таҳти роҳбарии Раиси Комиссияи марказии интихобот ва раъйпурсии Ҷумҳурии  Тоҷикистон /КМИР/ Бахтиёр Худоёрзода ҷаласаи навбатии Комиссия баргузор гардид, ки дар он масъалаҳои марбут ба ташкил ва гузаронидани интихоботи Президенти Ҷумҳурии Тоҷикистон ки 11 октябри соли 2020 таъйин гардидааст, мавриди баррасӣ қарор гирифтанд.

Дар ҷаласаи Комиссияи марказӣ масъалаҳои рад кардани бақайдгирии номзад ба мансаби Президенти Ҷумҳурии Тоҷикистон, бақайдгирии шахсони боэътимоди номзадҳо ба мансаби Президенти Ҷумҳурии Тоҷикистон ва мушаххас кардани ҳайати комиссияҳои ҳавзавӣ мавриди муҳокима қарор гирифтанд. Дар ин бора аз КМИР ба АМИТ “Ховар” хабар доданд.

Мувофиқи моддаи 24–и Қонуни конститутсионии Ҷумҳурии Тоҷикистон “Дар бораи интихоботи Президенти Ҷумҳурии Тоҷикистон” ба Комиссияи марказӣ қарорҳои дахлдор дар бораи пешбарии номзад аз ҷониби Ҳизби Демократи Тоҷикистон барои маълумот ворид гардида буд.

Ба ҳолати 13 сентябри соли 2020 мувофиқи моддаи 25-и Қонуни конститутсионии Ҷумҳурии Тоҷикистон “Дар бораи интихоботи Президенти Ҷумҳурии Тоҷикистон” барои баррасӣ ва бақайдгирии номзад ба Комиссияи марказӣ ҳуҷҷатҳои дахлдор аз ҷониби Ҳизби Демократи Тоҷикистон ворид гардиданд. Комиссияи марказӣ ҳуҷҷатҳои воридгардидаи номзадро мавриди омӯзиш қарор дода, бинобар ба талаботи қисми сеюми моддаи 65 Конститутсия ва қисми чоруми моддаи 24-и Қонуни конститутсионии болозикр ҷавобгӯй набудани ҳуҷҷатҳо бақайдгирии номзад ба мансаби Президенти Ҷумҳурии Тоҷикистон Усмонзода Саидҷаъфар Усмонро, ки аз ҷониби Ҳизби Демократи Тоҷикистон пешбарӣ гардидааст, рад намуд.

Мувофиқи моддаи 28-и Қонуни конститутсионӣ Комиссияи марказӣ шахсони боэътимоди номзадҳо ба мансаби Президенти Ҷумҳурии Тоҷикистон Латифзода Рустам Барот, Ғаффорзода Абдуҳалим Розиқ, Эмомалӣ Раҳмон, Абдуллоев Мироҷ Санонович ва Раҳматзода Рустамро дар асоси рӯйхати пешниҳоднамудаи онҳо ба қайд гирифт. Шахсони бақайдгирифташуда ба номзадҳо ба мансаби Президенти Ҷумҳурии Тоҷикистон дар гузаронидани маъракаи интихоботӣ ёрӣ мерасонанд, манфиатҳои онҳоро дар муносибат бо мақомоти давлатӣ ва ҷамъиятӣ ва комиссияҳои интихоботӣ ҳифз мекунанд.

Вобаста ба масъалаи охирин қарори Комиссия қабул карда шуд.

Корҳои ташкилӣ барои гузаронидани интихоботи Президенти Ҷумҳурии Тоҷикистон, ки 11 октябри соли 2020 таъйин гардидааст, идома доранд.

 

АКС аз бойгонӣ

Сентябрь 14, 2020 17:05

Хабарҳои дигари ин бахш

ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОН-2020. Дар Муъминобод 40 участкаи интихоботӣ ташкил карда шудааст
ХАБАРИ ФАВРӢ! Дар Тоҷикистон 39 ҳолати нави сирояти COVID-19 ба қайд гирифта шуд
Хоруғ: Комиссияи ҳавзавии интихоботии №18 ба интихоботи Президенти Ҷумҳурии Тоҷикистон омодагии ҷиддӣ мебинад
САҲМИ САРВАРОНИ ТОҶИКИСТОН ВА ӮЗБЕКИСТОН ДАР ТАҲКИМИ ДӮСТӢ, ҲАМСОЯГИИ НЕК, ЭЪТИМОД ВА ИФТИТОҲИ САҲИФАҲОИ НАВ ДАР МУНОСИБОТИ ШАРИКИИ СТРАТЕГИИ ТОҶИКОНУ ӮЗБЕКОН. Дар ин мавзӯъ имрӯз дар Душанбе Конференсияи илмию амалӣ ба кор оғоз намуд
Қарори Раиси КМИР дар бораи бақайдгирии номзадҳо ба мансаби Президенти Ҷумҳурии Тоҷикистон ба тасвиб расид
COVID-19. Дар Тоҷикистон шумораи гирифторони коронавируси нав ба 9049 нафар расид
ИНТИХОБОТ-2020: Номзадҳо ба мансаби Президенти Ҷумҳурии Тоҷикистон ба қайд гирифта шуданд
COVID-19. Дар Тоҷикистон 7782 нафар гирифторони коронавируси нав шифо ёфтанд
ИНТИХОБОТ-2020: Чанд саволу ҷавоб доир ба интихоботи Президенти Ҷумҳурии Тоҷикистон
ХАБАРИ ФАВРӢ! Дар Тоҷикистон 38 ҳолати нави сирояти COVID-19 ба қайд гирифта шуд
Бунёди «Мерё» ба Озмоишгоҳи миллии тандурустии Тоҷикистон кумак кард
Дар Душанбе таҳти унвони «Пайравони Пешвои миллатем» ҳамоиш баргузор гардид