Муовини Сарвазири мамлакат Ширин Исматуллозода ба аҳли фарҳанг мукофотҳои давлатӣ супорид
ДУШАНБЕ, 08.09.2020. /АМИТ «Ховар»/. Дирӯз дар Вазорати фарҳанг ба ифтихори 29-солагии Истиқлолияти давлатии Ҷумҳурии Тоҷикистон бо иштироки муовини Сарвазири мамлакат Ширин Исматуллозода, Вазири фарҳанги мамлакат Зулфия Давлатзода як гуруҳ кормандони муассисаҳои зерсохтори вазорат бо медали «Хизмати шоиста» сарфароз гардонида шуданд.
Ёдовар мешавем, ки бо Фармони Президенти Ҷумҳурии Тоҷикистон ба муносибати 29-солагии Истиқлолияти давлатии Ҷумҳурии Тоҷикистон «Дар бораи сарфарозгардонии кормандони соҳаи илму фарҳанг, тандурустӣ, истеҳсоли мол ва хизматрасониҳо, мақомоти иҷроияи ҳокимияти давлатӣ, дигар хизматчиёни давлатӣ ва соҳибкорон» фаъолони соҳаҳои мазкур бо мукофоти давлатӣ сазовор гардонида шуданд.
Муовини Сарвазири мамлакат Ширин Исматуллозода аҳли фарҳангу ҳунарро бо ҷашни Истиқлолияти давлатии Ҷумҳурии Тоҷикистон муборакбод гуфта, иброз дошт, ки «фарҳанги миллӣ ташаккулдиҳандаи тарбияи ахлоқию эстетикии ҳар қавму миллат ба шумор рафта, дар баланд бардоштани ҳисси худшиносиву худогоҳӣ ва ватандӯстию маърифатпарварӣ нақши ҳалкунанда мебозад».
Дар фарҷом барои хизматҳои назаррас дар рушди соҳа муҳаррири пешбари Муассисаи давлатии «Энсиклопедияи миллии Тоҷикистон» Алишер Муҳаммадӣ, корманди Муассисаи давлатии «Энсиклопедияи миллии Тоҷикистон» Шаҳрбону Мусозода, ҳунарпешаи Театри давлатии академии драмавии ба номи А. Лоҳутӣ Сония Наврӯзова, омӯзгори Донишкадаи давлатии санъати тасвирӣ ва дизайни Тоҷикистон Маҳмадкарим Рақибов ва собиқ директори нашриёти «Ирфон» Нуралӣ Ҳасанов бо медали “Хизмати шоиста” сарфароз гардонида шуданд.
Мукофоти собиқ директори нашриёти «Ирфон» Нуралӣ Ҳасанов, ки аз олам гузаштааст, ба писараш Раҳмон Ҳасанов супорида шуд.
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
