ПАХТА ДАР САҲРО ШУКУФТА… Ҷамъоварии ҳосил дар ноҳияи Ҷалолиддини Балхӣ вусъат меёбад

Сентябрь 2, 2020 10:32

ДУШАНБЕ, 02.09.2020/АМИТ «Ховар»/. Калонтарин хоҷагиҳои ноҳияи Ҷалолиддини Балхӣ —  хоҷагиҳои тухмипарварии ба номи Ниёзмуҳаммад Бегов, Сафар Ҷумъаев ва Тӯрахон Эсанқулов ҳамчун пешсафони истеҳсолот ба ҷамъоварии пахта оғоз намуда,  имрӯзҳо дар майдонҳои ин хоҷагиҳо садҳо нафар чинакчиён саргарми кор мебошанд, иттилоъ медиҳад хабарнигори Шабакаи телевизионии «Тоҷикистон» Абдурозиқ Азизов.

Имсол дар ноҳияи Ҷалолиддини Балхӣ дар майдони 9874 гектар кишти пумбадона гузаронида шудааст, ки нисбат ба  соли гузашта 584 гектар зиёд  мебошад. Танҳо дар хоҷагии тухмипарварии ба номи Ниёзмуҳаммад Бегов қитъаҳои пахтазор 980 гектарро ташкил медиҳанд.  Кишоварзон вобаста ба интихоби дурусти тухмӣ, риояи босифати агротехникаи парвариш ва ҳосилнокии имрӯзаи пахтазор ният доранд, ки иҷрои дурнамои истеҳсолиро бо сарбаландӣ таъмин менамоянд.

Ба иттилои Баҳодур Назаров, муовини роҳбари хаҷагии тухмипарварии ба номи Сафар Ҷумъаев, майдони умумии кишти хоҷагӣ 1974 гектарро ташкил дода, аз он дар масоҳати 1300 гектар  навъҳои ба иқлими минтақа мутобиқи ватаниву хориҷии пумбадона бо усулҳои анъанавӣ ва чиннӣ, тариқи обёрии қатрагӣ  парвариш карда шудаанд. Имрӯзҳо дар қитъаҳои бо усули чиннӣ парваришгардидаи пахтазор бо иштироки садҳо нафар саҳмдорон маъракаи ҷамъоварии ҳосил идома дошта дар чиниши аввал аз ҳар гектар мутаносибан 30 сентнер пахта ба даст оварда истодаанд.

Аъзоёни хоҷагии деҳқонии ба номи Тӯрахон Эсанқулов низ ба ғунучини маҳсули заҳмати хеш оғоз бахшида, бо назардошти фаровонии ҳосил дар саҳро умед доранд, ки баробари таъмини ӯҳдадории истеҳсолии хоҷагӣ, ҳамзамон дар оростани хирмани бошукӯҳи ноҳия ҳиссагузорӣ мекунанд.
Тибқи иттилои Раёсати кишоварзии ноҳияи Ҷалолиддини Балхӣ,   имсол дурнамои истеҳсолӣ 22 ҳазору 118 тонна пешбинӣ шудааст, ки ба ҳар гектар пахтазор 22,6 сентнерӣ рост меояд.

Аз ҷониби масъулин баҳри саривақту бе талаф ҷамъовари кардани ҳосил ва иҷроиши ӯҳдадории истеҳсолӣ шароитҳои  зарурӣ,  аз ҷумла  ҳавасмандгардонии муносиби чинакчиён дар мадӣ назар мебошад.

Сентябрь 2, 2020 10:32

Хабарҳои дигари ин бахш

Байни Тоҷикистон ва БАТР якчанд созишномаи нав ба имзо расид
Дар даврони соҳибистиқлолӣ дар Тоҷикистон беш аз 2400 километр роҳҳо сохта шуданд
Корхонаҳои коркарди хушкмеваи Тоҷикистон дар намоишгоҳи байналмилалии «Anuga» иштирок доранд
Таҳкими ҳамкорӣ дар доираи лоиҳаҳои Бонки аврупоии таҷдид ва рушд дар бахши молиявӣ баррасӣ гардид
Тоҷикистон дар самти гузариш ба энергетикаи «сабз» саъю талоши пайваста менамояд
4 ОКТЯБР — РӮЗИ БАЙНАЛМИЛАЛИИ ҲИФЗИ ҲАЙВОНОТ. Дар Тоҷикистон беш аз 13 ҳазор намуди ҳайвонот муайян гардидааст
Тоҷикистон ба панҷгонаи давлатҳои бештар осебпазир аз оқибатҳои тағйирёбии иқлим дохил мегардад
Тоҷикистон ҳамкориро бо Қирғизистон ва Русия дар самти муқовимат ба коррупсия густариш медиҳад
Раёсат дар Шурои байнидавлатии муқовимат ба коррупсияи ИДМ аз Тоҷикистон ба Арманистон гузашт
Масоили муҳими ҳамкории дуҷониба ва бисёрҷониба байни Тоҷикистон ва Русия баррасӣ гардид
Дар Остона таҳкими ҳамкории Тоҷикистону Қазоқистон дар соҳаи энергетика баррасӣ гардид
Дар Душанбе масъалаи ҷамъоварии омори тандурустӣ дар доираи стандартҳои байналмилалӣ баррасӣ шуд