Сайди моҳӣ дар вилояти Суғд дар ҳашт моҳ беш аз 326 тоннаро ташкил дод

Сентябрь 19, 2020 10:52

ДУШАНБЕ, 19.09.2020. /АМИТ «Ховар»/. Аз оғози соли равон дар ҳамаи хоҷагиҳои моҳипарварии вилояти Суғд ҳаҷми маҳсулоти моҳидорӣ 6,6 млн. сомониро ташкил кардааст, ки ин нишондиҳанда нисбат ба ҳамин давраи соли 2019 2,9 баробар зиёд аст. Давоми ҳашт моҳ дар хоҷагиҳои моҳидории вилоят сайди моҳӣ 326,4 тоннаро ташкил намуд.

Тавре ба хабарнигори минтақавии АМИТ «Ховар» дар Суғд аз Идораи моҳипарварии вилоят иттилоъ доданд, айни ҳол дар қаламрави вилоят дар маҷмӯъ бисту нуҳ адад хоҷагиҳои хурду калони моҳипарварӣ фаъолият дошта, калонтарини онҳо ҶСК «Моҳии тоҷик»-и ноҳияи Б.Ғафуров, ҶСК «Моҳипарварии Гулистон»-и шаҳри Гулистон ва ҶСК «Моҳипарварӣ»-и шаҳри Панҷакент ба ҳисоб мераванд.

Дар ин замина, дар асоси иҷрои дастуру супоришҳои Ҳукумати мамлакат дар самти афзун намудани захира ва навъҳои гуногуни моҳӣ, дар асоси шартномаи ҳамкорӣ бо хоҷагии зотпарварӣ-моҳипарварии ҶСК «Моҳии тоҷик» ҳамасола ба обанборҳои вилоят миқдори муайяни намудҳои гуногуни кирминаи моҳичаҳо сар дода мешавад, ки он бевосита ба рушд ва афзоиши моҳӣ заминаи мусоид мегузорад.

Давоми ҳашт моҳи имсол дар вилоят ҳаҷми умумии истеҳсоли моҳӣ дар корхонаҳои кишоварзӣ, аз ҷумла намудҳои моҳии пешонағафси сафед – 23,5 фоиз, зағорамоҳӣ – 32,0 фоиз, амури сафед – 19,3 фоиз, суфмоҳӣ – 8,0 фоиз ва дигар намуди моҳиҳо – 17,3 фоизро ташкил намудааст.

Ба андешаи мутахассисони соҳа, дар ҷумҳурӣ соҳаи мазкур дар даврони соҳибистиқлолӣ рӯ ба рушд ниҳода, дар ин замина солона имкони истеҳсоли то 5 ҳазор тонна гӯшти моҳӣ мавҷуд мебошад.

Ин нишондиҳанда метавонад барои таъмини амнияти озуқаворӣ, хосатан таъмини аҳолӣ бо ин намуди гӯшти парҳезӣ мусоидат намояд.

Сентябрь 19, 2020 10:52

Хабарҳои дигари ин бахш

Дар Хуҷанд Форуми байналмилалии «Имкониятҳои тиҷоратӣ, сармоягузорӣ ва дурнамои ҳамкорӣ» баргузор гардид
Дар Душанбе вобаста ба таҳия намудани санади Гурӯҳбандии лоиҳаҳои «сабз» ҷаласаи Гуруҳи корӣ доир шуд
ЗАХИРА БАРОИ ЗИМИСТОН. Дар шароити хона чӣ тавр бояд хушкмева тайёр намуд?
Дар минтақаҳои ҷанубу ғарби Тоҷикистон корҳои омӯзишӣ-геофизикӣ оғоз гардид
То моҳи июн дар Тоҷикистон дар беш аз 182 ҳазор гектар пунбадона кишт карда шудааст
Дар Душанбе вобаста ба рушди мониторинги обҳои рӯизаминии Тоҷикистон ҳамоиш доир гардид
Муовини Сарвазир бо рафти кишти картошка дар Ҷамоати деҳоти Ҳиҷбораки ноҳияи Рашт шинос гардид
Сарвазири Ҷумҳурии Тоҷикистон Қоҳир Расулзода бо директори генералии «Роҳи оҳани Русия» Олег Белозёров мулоқот намуд
Ҷаласаи 82-юми Шурои маъмуриятҳои нақлиёти роҳҳои оҳани кишварҳои аъзои Иттиҳоди Давлатҳои Мустақил ба анҷом расид
Дар Хадамоти гумрук масъалаи ҷалби иштирокчиёни фаъолияти иқтисоди хориҷӣ баррасӣ гардид
Тоҷикистон ва Қатар ҳамкориро дар самти сармоягузорӣ густариш медиҳанд
«СУҒД-2025». Дар Хуҷанд Намоишгоҳи байналмилалии савдо баргузор мешавад