Туҳфаи Пешвои миллат хазинаи китобхонаҳои донишгоҳҳои вилояти Суғдро ғанӣ гардонид

Сентябрь 18, 2020 15:00

ДУШАНБЕ, 18.09.2020. /АМИТ Ховар/. 17 сентябр дар толори китобхонаи Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд бо иштироки омӯзгорону олимони ҷавон ва донишҷӯёни фаъоли ин муассиса муаррифии китобҳои тозанашри Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир гардид. Дар ин бора сармутахассиси шуъбаи таҳлил ва робита бо ҷомеаи донишгоҳи мазкур Сино Ғафурӣ ба хабарнигори минтақавии АМИТ «Ховар» хабар дод.

Бояд гуфт, ки дар рӯзҳои таҷлил аз ҷашни Истиқлоли давлатӣ аз ҷониби Пешвои миллат муҳтарам Эмомалӣ Раҳмон ба китобхонаҳои вилояти Суғд, аз ҷумла донишгоҳҳои маркази вилоят миқдори муайяни китобҳои тозанашр туҳфа гардиданд.

Дар баробари дигар китобхонаҳои вилоят ба хазинаи китобхонаи илмии Донишгоҳи давлатии ҳуқуқ, бизнес ва сиёсати Тоҷикистон низ ба миқдори беш аз 50 адад 10 номгӯй китобҳо ҳамчун ҳадяи Сарвари маорифпарвари давлат супорида шуданд.

Иштирокдорони ҳамоиш зимни муаррифӣ аз китобҳои туҳфанамудаи Сарвари давлат изҳори миннатдорӣ намуда, пуштибонии худро аз сиёсати хирадмандонаву маорифпарваронаи Пешвои миллат баён намуданд.


Зикр гардид, ки ҷиҳати татбиқи амалии сиёсати фарҳангии Ҳукумати ҷумҳурӣ аз ҷониби Асосгузори сулҳу ваҳдати миллӣ, Пешвои муаззами миллат муҳтарам Эмомалӣ Раҳмон ҳамарӯза ба масъалаи нигаҳдорӣ, ҳифз ва рушди фарҳанги миллӣ, нақши китобхонаҳо дар инкишофи ҷомеаи шаҳрвандӣ таваҷҷуҳи хосса зоҳир мегардад.

Ҳамасола баргузор гардидани  озмуни «Фурӯғи субҳи доноӣ китоб аст» байни табақаҳои гуногуни аҳолӣ ва қадрдонии китобхонон аз таваҷҷуҳи ҳамешагии давлату ҳукумат дар ин самт гувоҳӣ дода, ғанигардонии маҳзани китобхонаҳои донишгоҳҳои мамлакат бо китобҳои тозанашр баҳри баланд бардоштани маърифатнокии муҳассилин шаҳодати ин гуфтаҳост.

Сентябрь 18, 2020 15:00

Хабарҳои дигари ин бахш

«ДАСТХАТҲОИ ҚАЛЪАИ МУҒ». Нодиртарин ёдгориҳои Тоҷикистон ба рӯйхати «Ҳофизаи ҷаҳонӣ»-и созмони ЮНЕСКО дохил гардиданд
Дар Тоҷикистон ҳунари балети Узбекистон муаррифӣ карда мешавад
Дар Ҷумҳурии Мардумии Чин Рӯзҳои фарҳанги Ҷумҳурии Тоҷикистон идома дорад
Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
«УМРЕ БО МУСИҚӢ». Дар Душанбе ҳамоиши илмӣ баргузор гардид
«ИЛМ-ФУРӮҒИ МАЪРИФАТ». Дар шаҳри Хуҷанд даври якуми озмуни ҷумҳуриявӣ идома дорад
Ба гиромидошти асосгузори мактаби классикии шеър-мусиқии замони Сомониён Абулаббоси Бахтиёр симпозиуми байналмилалӣ доир шуд
Дар Ҳисор маҳфил-озмуни «Шоҳнома Ватан аст!» оғоз гардид
Директори Хадамоти федералии приставҳои судии Федератсияи Русия бо таъриху тамаддуни тоҷикон шинос шуд
Дар Китобхонаи миллӣ даври аввали озмуни «Фурӯғи субҳи доноӣ китоб аст» баргузор гардид
Дастхатҳои Қалъаи Кӯҳи Муғ ба рӯйхати «Ҳофизаи ҷаҳонӣ»-и ЮНЕСКО дохил шуданд
СОЛИ ФАРҲАНГИ КИТОБХОНӢ. Дар доираи он дар вилояти Хатлон конференсияи илмӣ-амалӣ баргузор шуд