ЯК РӮЗ ДАР ТАЪРИХ. Падидаҳои 1 сентябри солҳои гузашта дар Тоҷикистон

ДУШАНБЕ, 01.09.2020 /АМИТ «Ховар»/. 1 сентябр дар Тоҷикистон барҳак Рӯзи дониш маҳсуб мешавад, зеро дар ин рӯзи аввали тирамоҳ на танҳо соли нави таҳсил дар муассисаҳои таҳсилоти ҳамагонӣ оғоз мешавад, балки маҳз дар ҳамин рӯз дар солҳои гузашта мактабҳо ва донишгоҳҳо ифтитоҳ  ёфтаанд.

1930 — дар Сталинобод (Душанбе) аввалин мактаби даҳсолаи таълим бо забони русӣ  таъсис дода  шуд.

1931 — нахустин муассисаи таҳсилоти олӣ дар Тоҷикистон — Донишкадаи омӯзгории Душанбе ба номи Т.Г. Шевченко  (ҳоло С . Айнӣ) ифтитоҳ ёфт.

1931 — Донишкадаи кишоварзии Тоҷикистон, ҳоло ДАТ кушода шуд.

1932 — Донишкадаи давлатии омӯзгории Ленинобод (Хуҷанд) ба номи академик Б. Ғафуров  ба фаъолият шурӯъ кард.

1939 — Донишкадаи давлатии тиббии ба номи А. Сино ифтитоҳ гардид.

1948 — Донишгоҳи давлатии Тоҷикистон кушода шуд.

1956 — Донишкадаи политехникӣ ба номи академик М. Осимӣ ифтитоҳ шуд.

1971 — Донишкадаи тарбияи ҷисмонии Тоҷикистон  таъсис ёфт.

1973 — Донишкадаи санъати Тоҷикистон ба номи М. Турсунзода кушода шуд.

1992 — гимназияи нахустин дар заминаи мактаби миёнаи № 74 -и ш. Душанбе  таъсис ёфт.

1996 — Донишгоҳи славянии Россия -Тоҷикистон ифтитоҳ шуд.

1996 — шиносномаи шаҳрванди Тоҷикистон нофиз карда шуд.

1997 — нахустин мактаби таҳсилоти ҳамагонии байналмилалии  Душанбе ифтитоҳ ёфт.

2003 — Донишкадаи нақлиёти Тоҷикистон кушода шуд.

2012 — Эмомалӣ Раҳмон дар Рӯзи дониш нахустин мактаби байналмилалии президентиро ифтитоҳ намуданд.

ДАР АКС: аввалин муассисаи таҳсилоти олии Тоҷикистон — Донишкадаи омӯзгории Душанбе, (ҳоло Донишкадаи давлатӣ) ба номи С . Айнӣ. Акс аз бойгонӣ.