150 нафар наваскарон аз Ҳисор барои хизмат дар сафи Қувваҳои Мусаллаҳи Тоҷикистон сафарбар шуданд
ДУШАНБЕ, 02.10.2020/АМИТ «Ховар»/. Дар шаҳри Ҳисор маросими гусели 150 нафар ҷавонон, ки барои хизмат дар сафи Қувваҳои Мусаллаҳи Ҷумҳурии Тоҷикистон даъват гардиданд, баргузор шуд.
Дар маросими гусели наваскарон, ки дар майдони назди Қасри фарҳанги шаҳр доир гардид, Раиси шаҳри Ҳисор Шарифҷон Ҷумъазода иштирок намуда, иброз дошт, ки хизмат дар сафи Қувваҳои Мусаллаҳи Ҷумҳурии Тоҷикистон вазифаи муқаддас ва қарзи шаҳрвандии ҳар ҷавони тоҷик мебошад.
Раиси шаҳр ба ҷавонон-наваскарон, ки барои адои қарзи ҷавонмардӣ ба маъракаи гусел ҳозир шуда буданд, дар иҷрои қарзи шаҳрвандӣ, ҳимояи марзу буми Ватани азизамон-Тоҷикистон роҳи сафед ва шуҷоатмандию мардонагӣ таманно намуд. Ҳамчунин ба падару модарони наваскарон, ки чунин фарзандони бонангу ор ва ҷасуру ватанпарвар ба камол расонидаанд, миннатдорӣ баён намуд.
«Хизмат дар сафи Қувваҳои Мусаллаҳи Ҷумҳурии Тоҷикистон, ҳимояи марзу буми Ватан-Модар мояи шараф ва ифтихори ҳар фарди боору номус ва ватанхоҳ буда, дар ин мактаби мардонагӣ ҷавонмардони асил обу тоб ёфта, барои ҳимояи Ватан омода мегарданд. Зиёд гардидани шумораи ҷавонписарони шаҳр, ки ихтиёран барои хизмат ба сафи Қувваҳои Мусаллаҳи Ҷумҳурии Тоҷикистон сафарбар мегарданд, шоистаи таҳсину ифтихор аст», -афзуд Раиси шаҳри Ҳисор.
Дар Вазорати мудофиаи Тоҷикистон оид ба масоили марбут ба амнияти давлат ҷаласа доир шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Тақвияти ҳамкорӣ дар соҳаи амнияти миллӣ вобаста ба гардиши ғайриқонунии маводи химиявӣ, биологӣ, радиатсионӣ ва ядроӣ баррасӣ шуд
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
