Дар Тоҷикистон нақшаи сафарбар намудани ҷавонон ба хизмати ҳарбӣ 20 фоиз иҷро гардид
ДУШАНБЕ, 02.10.2020 /АМИТ «Ховар»/. Дар рӯзи дуюми даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон 20 фоизи нақша иҷро гардид. Дар ин бора ба хабарнигори АМИТ «Ховар» сардори маркази матбуоти Вазорати мудофиаи Ҷумҳурии Тоҷикистон, полковник Фаридун Маҳмадализода иттилоъ дод.
Дар Рӯзи аввали даъват нақшаи сафарбар намудани ҷавононро ба сафи Қувваҳои Мусаллаҳ аввалин шуда Вилояти Мухтори Кӯҳистони Бадахшон, ноҳияҳои Тоҷикобод, Лахш ва Сангвор пурра иҷро намуданд. Дар ин баробар вилоятҳои Суғд 15 ва Хатлон 23 фоиз, шаҳри Душанбе 42 фоиз ва ноҳияҳои тобеи ҷумҳурӣ 26 фоизи нақшаи сафарбарнамоиро иҷро намуданд.
Бо талошҳои пайвастаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои фаъолияти рӯзмарраи хизматчиён дар қисмҳои ҳарбӣ шароити зарурии моддиву маишӣ муҳайё карда шуда, дар кулли воҳидҳои низомӣ имрўз афсарони касбии ботаҷриба ҷиҳати баланд бардоштани малакаи ҳарбиву ҷисмонии ҷавонон, тарбияи онҳо дар рӯҳияи ватандўстӣ, садоқат ба марзу бум фаъолияти босамар мебаранд.
Хизмат дар сафи Қувваҳои мусаллаҳ барои ҳар фард мактаби ташаккули шахсият аст. Барои ҳар давлати соҳибистиқлол, хосса халқу миллатҳое, ки озод будан ҷавҳари аслии ҳастии онҳоро ташкил медиҳад, хизмат дар сафи Қувваҳои мусаллаҳ қарзи асосии шаҳрвандӣ ба ҳисоб меравад.
Ҳамчунин Ҳукумати мамлакат ҷиҳати фароҳам овардани шароити созгор ба сарбозону афсарон пайваста тадбирҳои мақсаднок меандешад.
Ёдовар мешавем, ки ҳамасола 1 октябр дар саросари шаҳру ноҳияҳои мамлакат маъракаи даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон оғоз гардида, то охири моҳи ноябр идома меёбад. Имсол шаҳрвандони солҳои таваллуди 1993-2002 ба хизмати ҳарбӣ сафарбар мегарданд.
Тоҷикистон ва Русия вобаста ба ҳодисаи гаравгонгирӣ дар муассисаи ислоҳии шаҳри Суровикино тадбир меандешанд
Дар Душанбе ҷаласаи IX Шурои байнидавлатии муқовимат ба коррупсия доир мегардад
Дар ноҳияи Хуросон бинои Хадамоти шиносномавӣ-бақайдгирӣ ба истифода дода шуд
Вохӯрии гурӯҳҳои кории топографӣ ва гурӯҳҳои корӣ оид ба масъалаҳои ҳуқуқии ҳайатҳои ҳукуматии Тоҷикистон ва Қирғизистон баргузор гардид
Прокуратураи генералӣ: «Аз шаҳрвандон хоҳиш карда мешавад, ки фирефтаи ҳар гуна таблиғоти беасос оид ба таъмини ҷойи кор дар хориҷи мамлакат нашаванд»
Намояндагони Тоҷикистон ва UNHCR масъалаи ҳолатҳои фавқулодаро баррасӣ намуданд
АМАЛИЁТИ «КОРД». Милитсияи Хатлон 768 силоҳи сард дарёфт ва мусодира намуд
Дар даъвати тирамоҳӣ дар шаҳри Ваҳдат 260 ҷавон ба таври ихтиёрӣ ба сафи Артиши миллӣ ҳамроҳ мешавад
Вазири корҳои дохилии Тоҷикистон дар ҷаласаи Шурои вазирони корҳои дохилии давлатҳои ИДМ дар Минск иштирок намуд
НИШАСТИ МАТБУОТӢ. Бо дахолати прокуророн 142 миллион сомонӣ қарзи музди меҳнат пардохт шуд
Вазорати корҳои дохилӣ: «Дар сурати ихтиёран даст кашидани шаҳрвандон аз иштирок дар фаъолияти гурӯҳҳои экстремистиву террористӣ онҳо аз ҷавобгарии ҷиноятӣ озод карда мешаванд»
НИШАСТИ МАТБУОТӢ. Дар Вазорати адлияи Тоҷикистон омилҳои асосии барҳамхӯрии иттиҳодияҳои ҷамъиятӣ шарҳ дода шуд
