Меҳргон — иди меҳру муҳаббат, дӯстию рафоқат ва натиҷаи заҳмати барзгарон

Октябрь 18, 2020 09:17

ДУШАНБЕ, 18.10.2020 /АМИТ «Ховар»/.  Иди Меҳргон яке аз ҷашнҳои қадимтарини мардуми мо маҳсуб ёфта, ҳамчун иди меҳру муҳаббат, дӯстию рафоқати одамон ба якдигар, накӯкорӣ, натиҷаи заҳмати барзгарон аст, ки ниёгони мо баъди ҷамъоварии ҳосил онро таҷлил мекардаанд. Ин матлабро ректори Донишгоҳи давлатии Данғара профессор Нуралӣ Шоҳиён дар ҳамоиши тантанавие, ки ба ифтихори Иди Меҳрон дар саҳни донишгоҳи мазкур сурат гирифт, изҳор дошт.

Дар ин бора ба АМИТ «Ховар» масъулини донишгоҳи мазкур хабар доданд.

Зикр шуд, ки  бо шарофати соҳибистиқлолии мамлакат ва сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон иду ҷашнвораҳои миллии тоҷикон аз нав эҳё гаштаву дар байни мардум таҷлил мешаванд. Доир ба ҷашни Меҳргон низ Пешвои миллат назари некбинона дошта, онро куҳантарин ҷашни миллии мо медонанд ва ба арзишҳои он эҳтироми хосса изҳор менамоянд.

“Дар ҳамин асос ҷашни мазкур аз нав эҳё шуда, доир кардани он ҳамасола ба ҳукми анъана даромадааст”- иброз дошт ректори Донишгоҳи давлатии Данғара ва илова намуд, ки яке аз унсурҳои ин ҷашн аз он иборат аст, ки мардум бо шукрона аз баракати ҳосили ҷамъовардаашон либосҳои шинаму тоза ба бар карда, шодию хурсандӣ менамуданд. Онҳо дар ин ҷашн умеду шодӣ  мекарданд, ки соли оянда ҳосил боз ҳам фаровон шавад ва дастархони мардум аз маҳсулоти кишоварзӣ фаровон гардад. Инчунин ба ин восита ғубори заҳмати кашидаи худро аз дил мебароварданд”.

Октябрь 18, 2020 09:17

Хабарҳои дигари ин бахш

«ДАСТХАТҲОИ ҚАЛЪАИ МУҒ». Нодиртарин ёдгориҳои Тоҷикистон ба рӯйхати «Ҳофизаи ҷаҳонӣ»-и созмони ЮНЕСКО дохил гардиданд
Дар Тоҷикистон ҳунари балети Узбекистон муаррифӣ карда мешавад
Дар Ҷумҳурии Мардумии Чин Рӯзҳои фарҳанги Ҷумҳурии Тоҷикистон идома дорад
Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
«УМРЕ БО МУСИҚӢ». Дар Душанбе ҳамоиши илмӣ баргузор гардид
Ба гиромидошти асосгузори мактаби классикии шеър-мусиқии замони Сомониён Абулаббоси Бахтиёр симпозиуми байналмилалӣ доир шуд
Дар Ҳисор маҳфил-озмуни «Шоҳнома Ватан аст!» оғоз гардид
Директори Хадамоти федералии приставҳои судии Федератсияи Русия бо таъриху тамаддуни тоҷикон шинос шуд
Дар Китобхонаи миллӣ даври аввали озмуни «Фурӯғи субҳи доноӣ китоб аст» баргузор гардид
Дастхатҳои Қалъаи Кӯҳи Муғ ба рӯйхати «Ҳофизаи ҷаҳонӣ»-и ЮНЕСКО дохил шуданд
СОЛИ ФАРҲАНГИ КИТОБХОНӢ. Дар доираи он дар вилояти Хатлон конференсияи илмӣ-амалӣ баргузор шуд
Байни Академияи миллии илмҳои Тоҷикистон, Бойгонии апостолии Ватикан ва Китобхонаи апостолии Ватикан Ёддошти тафоҳум ба имзо расид